Airplane Accident: लँडिंग करतानाच विमानाची ट्रकला धडक; न्यूयॉर्क विमानतळाजवळील घटनेचा व्हिडीओ बघा

Flight Hits Truck At US Airport: अमेरिकेतील न्यूयॉर्कमध्ये एका विमानाचा अपघात घडला. विमान धावपट्टीवर उतरत असतानाच ट्रकला धडकले. या घटनेचा तपास आता सुरू करण्यात आला आहे. 

यूनायटेड एअरलाइन्सच्या बोईंग विमानाचा धावपट्टीवर उतरत असताना अपघात झाला. विमान उतरत असताना एका खांबाला आणि त्यानंतर ट्रकला धडकले. सुदैवाने या अपघातानंतरही विमान सुरक्षितपणे उतरवण्यात आले. या घटनेत ट्रकचालक गंभीर जखमी झाला आहे. फेडरल एव्हिएशन प्रशासनाने या घटनेची चौकशी करण्याचे आदेश दिले आहेत. 

फेडरल एव्हिएशन प्रशासनाने सांगितले की, यूनायटेड एअरलाइन्सचे १६९ (बोईंग ७६७) हे विमान नेवार्क लिबर्टी आंतरराष्ट्रीय विमानतळावर उतरत होते. रविवारी (३ मे) स्थानिक वेळेनुसार दुपारी २ वाजता ही घटना घडली. 

हे विमान व्हेनिसवरून येत होते. या विमानात २२१ प्रवासी आणि १० क्रू मेंबर्स होते. विमान नेवार्क लिबर्टी आंतरराष्ट्रीय विमानतळावर उतरत असताना खांबाला धडकले आणि त्यानंतर ट्रकला धडकले. या घटनेत ट्रक चालक जखमी झाला असून, विमानाचेही नुकसान झाले आहे. 

🚨🇺🇸#BREAKING | NEWS ⚠️
Update New release of the
Air traffic control audio after
a United Airlines flight number (#UA169) Boeing 767
arriving from 🇮🇹Venice, Italy to Newark liberty airport in New Jersey.

When on the approach to runway 29 when it crashed into a truck and a… pic.twitter.com/feWF8g7Nod

— Todd Paron🇺🇸🇬🇷🎧👽 (@tparon) May 4, 2026

विमानाचे हे एक चाक ट्रकचालकाच्या खिडकीवरच आदळले. ट्रकचालकाला काही जखमा झाल्या असल्याचे चक पॅटराकीस यांनी सांगितले. विमानातील सर्व प्रवासी सुखरुप असून, या घटनेची सखोल चौकशी करण्यात येणार आहे.