रागाच्या भरात पतीने पत्नीच्या थोबाडीत मारली अन् ती गेली जिवानिशी

By लोकमत न्यूज नेटवर्क | Published: September 18, 2021 07:22 PM2021-09-18T19:22:18+5:302021-09-18T19:23:09+5:30

Gadchiroli News रागाच्या भरात पतीने पत्नीला दोन जोरदार झापडा मारल्या, पण यामुळे तिची प्रकृती आणखीच बिघडली आणि दवाखान्यात उपचार मिळण्याआधीच तिची प्राणज्योत मालवली.

the husband slapped his wife in the mouth, and she died | रागाच्या भरात पतीने पत्नीच्या थोबाडीत मारली अन् ती गेली जिवानिशी

रागाच्या भरात पतीने पत्नीच्या थोबाडीत मारली अन् ती गेली जिवानिशी

Next

लोकमत न्यूज नेटवर्क

गडचिरोली : आजारी असलेली पत्नी वेळेवर औषध घेत नाही, त्यामुळे तिच्या प्रकृतीत सुधारणा होत नाही, हे पाहून रागाच्या भरात पतीने पत्नीला दोन जोरदार झापडा मारल्या, पण यामुळे तिची प्रकृती आणखीच बिघडली आणि दवाखान्यात उपचार मिळण्याआधीच तिची प्राणज्योत मालवली. ही दुर्दैवी घटना कोरची तालुक्यातील मुलेटीपदिकसा येथे शुक्रवारच्या दुपारी घडली. ( the husband slapped his wife in the mouth,  and she died)

प्राप्त माहितीनुसार, कोरची मुख्यालयापासून १४ किलोमीटर अंतरावर मुलेटीपदिकसा हे गाव आहे. त्या गावातील सुबायबाई सुभाष धुर्वे (३५ वर्षे) यांची प्रकृती मागील अनेक दिवसांपासून बरी नव्हती. पत्नीच्या प्रकृतीत सुधारणा व्हावी, म्हणून सुभाष धुर्वे (४०) यांनी रुग्णालयात जाऊन औषधोपचार केले, पण त्या उपचारांना प्रतिसाद मिळत नव्हता. पत्नी वेळेवर औषध घेत नाही, म्हणून सुभाषने रागाच्या भरात पत्नीच्या कानपटीत दोन झापडा मारल्या. यामुळे आधीच प्रकृती बरी नसल्यामुळे अशक्त झालेली सुबायबाई खाली कोसळली. त्यामुळे तिला उपचारासाठी ग्रामीण रुग्णालय कोरची येथे आणण्यात आले.

तिला तपासल्यानंतर वैद्यकीय अधिकाऱ्यांनी मृत घोषित केले.

सुबायबाईला दोन मुले व एक मुलगी आहे. शवविच्छेदन ग्रामीण रुग्णालयात करण्यात आले. या प्रकरणी कोरची पोलीस स्टेशनला आकस्मिक मृत्यूची नोंद करण्यात आली असून, पुढील तपास सहायक पोलीस निरीक्षक विनोद गोडबोले करीत आहेत.

Web Title: the husband slapped his wife in the mouth, and she died

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app
टॅग्स :Deathमृत्यू