दुर्गम भागात आरोग्य तपासणी

कोरची तालुक्यापासून ५३ किमी अंतरावर असलेल्या गोडरी या जंगलव्याप्त गावाला भेट दिली. या गावात ४० घरे असून गावाची लोकसंख्या १६३ एवढी आहे. दरवर्षी पावसाळ्यात या गावाचा तालुक्याशी संपर्क तुटते. डोंगरावर वसलेल्या या गावापर्यंत दुचाकी किंवा चारचाकी वाहन जात नाही. पायदळ डोंगर चढून गाव गाठावे लागते. या गावाला तालुका आरोग्य अधिकारी डॉ.विनोद मडावी व त्यांच्या पथकाने भेट दिली.

ठळक मुद्देगोडरी व बोटेझरी गावांना भेट : जलजन्य, क्षयरोग, हिवतापाबाबत मार्गदर्शन

लोकमत न्यूज नेटवर्क
कोरची : आरोग्य विभागाने दुर्गम भागातील गावांना भेटी देऊन तेथील नागरिकांची आरोग्य तपासणी करण्यास सुरूवात केली आहे. कोरचीचे तालुका आरोग्य अधिकारी डॉ.विनोद मडावी यांच्या नेतृत्वातील पथकाने सोमवारी बोटेझरी व गोडरी गावातील सर्वच नागरिकांची आरोग्य तपासणी करून त्यांच्या आरोग्याविषयक समस्या जाणून घेतल्या.
कोरची तालुक्यापासून ५३ किमी अंतरावर असलेल्या गोडरी या जंगलव्याप्त गावाला भेट दिली. या गावात ४० घरे असून गावाची लोकसंख्या १६३ एवढी आहे. दरवर्षी पावसाळ्यात या गावाचा तालुक्याशी संपर्क तुटते. डोंगरावर वसलेल्या या गावापर्यंत दुचाकी किंवा चारचाकी वाहन जात नाही. पायदळ डोंगर चढून गाव गाठावे लागते. या गावाला तालुका आरोग्य अधिकारी डॉ.विनोद मडावी व त्यांच्या पथकाने भेट दिली. गावातील नागरिकांची आरोग्य तपासणी केली. तसेच हिवताप, सिकलसेल, जलजन्य आजार, कोविड-१९, क्षयरोग आदींविषयी जनजागृती केली. आरोग्य तपासणीदरम्यान हिवतापाचे तीन रुग्ण निघाले. त्यांच्यावर औषधोपचार केले.
यावेळी कोटगूल प्राथमिक आरोग्य केंद्राचे वैद्यकीय अधिकारी डॉ.हरीष टेकाम, आरोग्य सहायक अतुल बोदेले, अनिकेत भांडारकर, स्वप्नील गोमासे, आरोग्य सेवक देवारे, क्षयरोग पर्यवेक्षक प्रमोद सातपुते आदी उपस्थित होते.