जवाहर मेडिकल फाउंडेशनच्या एसीपीएम मेडिकल कॉलेज व हॉस्पिटल येथे जागतिक महिला दिनानिमित्त आयोजित कार्यक्रमात त्या बोलत होत्या. यावेळी व्यासपीठावर दिवाणी न्यायाधीश तथा विधी सेवा प्राधिकरणाचे सचिव डॉ. दीपक डोंगरे, सहदिवाणी न्यायाधीश कनिष्ठ स्तर एस.व्ही.चांडक, एस.एन. गंगवाल-शाह, ए.टी. जगताप, जवाहर सामाजिक कृतज्ञता ट्रस्टच्या अध्यक्षा अश्विनी पाटील, डॉ. ममता पाटील, सहसचिव संगीता पाटील, वैद्यकीय अधिक्षक डॉ.आर.व्ही. पाटील आदी मान्यवर उपस्थित होते.
यावेळी डॉ.ममता पाटील म्हणाल्या की, महिला आज कुठेही मागे नाहीत, त्यांच्यातील आत्मविश्वासाच्या बळावर त्या जगही जिंकू शकतात. फक्त त्यांनी स्वत:वर विश्वास ठेवावा आणि आपल्या ध्येयाकडे वाटचाल करावी. कुटुंबाबरोबरच स्वत:चीही काळजी घ्यावी. डॉ. दीपक डोंगरे यांनी महिलांच्या न्याय,हक्क व संरक्षणासाठी कार्यरत असणाऱ्या विशाखा समितीवरील काही माहितीपट दाखवून मार्गदर्शन केले.
कार्यक्रमात महिला कर्मचाऱ्यांसाठी विविध स्पर्धांचे आयोजनही करण्यात आले होते. तसेच कोविडसारख्या कठीण काळात कौटुंबिक जबाबदारी सांभाळून फ्रटंलाईनवर काम करणाऱ्या उपस्थित सर्व महिलांना सहभाग प्रमाणपत्र देऊन त्यांच्या कार्याचा सन्मानही करण्यात आला. यशस्वीतेसाठी जवाहर मेडिकल फाउंडेशन तसेच नर्सिंग स्टाफच्या महिला कर्मचाऱ्यांनी परिश्रम घेतले. सूत्रसंचालन जागृती बोरसे यांनी तर फिजिओलॉजी विभागप्रमुख डॉ. प्राजंली शिंदे यांनी आभार मानले.