मध्य प्रदेशातून एक धक्कादायक बातमी समोर आली. मोबाईलवर PUBG खेळण्यास नकार दिल्याने पतीने पत्नीची हत्या केल्याची घटना उघडकीस आली. पतीच्या रोजच्या PUBG खेळण्याने निराश झालेल्या त्याच्या पत्नीने त्याला खेळणे थांबवण्याचा आणि काम करण्याचा सल्ला दिला होता. संतापलेल्या पतीने तिची हत्या केली.
मध्य प्रदेशातील रेवा जिल्ह्यातील गुढ पोलिस ठाणे परिसरातील गुढ शहरातील वॉर्ड क्रमांक १५ मध्ये एका नवविवाहित महिलेचा मृतदेह तिच्या घरात आढळल्याने खळबळ उडाली. मृत महिलेचे नाव नेहा पटेल असे आहे. तिच्या पतीवर तिची हत्या केल्याचा आरोप आहे. सतत हुंडा मागणे आणि PUBG गेम खेळण्यास नकार दिल्याने वाद वाढला, त्यानंतर पतीने पत्नीची हत्या केल्याचा आरोप आहे. पती दिवसभर PUBG गेम खेळत असल्याने कंटाळून पत्नीने त्याला काम करण्याचा सल्ला दिला, यामुळे तो संतापला आणि त्याने पत्नीची हत्या केली. हत्येनंतर त्याने आपल्या मेहुण्याला घटनेची माहिती दिली आणि पत्नीचा मृतदेह खोलीत बंद करून पळून गेला.
नेहाचा विवाह ५ मे २०२५ रोजी हिंदू रितीरिवाजानुसार गुढवा येथील रहिवासी रणजीतशी झाला होता. आता पतीवर पत्नीच्या हत्येचा आरोप करण्यात आला आहे.
PUBG गेम खेळण्याचे जास्त व्यसन
पती रणजित पटेल याला PUBG गेम खेळण्याचे जास्त व्यसन होते. त्याची पत्नी जे काही बोलते ते सर्व वाईट वाटायचे. तो सतत त्याच्या पत्नीकडून हुंडा मागत होता, पण सासरच्यांनी हा हुंडा देण्यास नकार दिला. या मुद्द्यावरून तो त्याच्या पत्नीशी अनेकदा भांडत होता. पती दिवसभर PUBG खेळत होता, काहीच काम करत नव्हता. त्याची पत्नी त्याला अनेकदा काही काम करण्याचा सल्ला देत होती आणि यामुळे त्यांच्यात अनेकदा वाद होत होता.
घटनेच्या दिवशीही रात्री उशिरा, ज्यावेळी त्याच्या पत्नीने त्याला PUBG खेळण्याऐवजी काम करण्याचा सल्ला दिला तेव्हा तो संतापला. त्याने टॉवेलने नेहाचा गळा दाबून खून केला. घटनेच्या वेळी कुटुंबातील सदस्य दुसऱ्या खोलीत होते आणि त्यांना घटनेची माहिती नव्हती. त्यानंतर रणजीत बाहेरून दरवाजा बंद करून पळून गेला. नंतर, त्याने त्याच्या मेहुण्याला मेसेज पाठवून नेहाची हत्या केल्याचे सांगितले.
Web Summary : In Madhya Pradesh, a husband murdered his wife for refusing to let him play PUBG and urging him to work. The accused, addicted to the game, strangled her after an argument. He then informed his brother-in-law and fled, leaving the body in the room.
Web Summary : मध्य प्रदेश में PUBG खेलने से रोकने पर पति ने पत्नी की हत्या कर दी। आरोपी, गेम का आदी था। पत्नी ने काम करने को कहा तो गुस्से में गला घोंट दिया। फिर साले को बताया और शव कमरे में छोड़कर भाग गया।