Sushant Singh Rajput Case : Sam's 'boss' is on NCB's target, now known as 'drug uncle' in Bollywood | Sushant Singh Rajput Case : एनसीबीच्या टार्गेटवर आता सॅमचा 'बॉस', बॉलीवूडमध्ये 'ड्रग अंकल' म्हणून ओळख 

Sushant Singh Rajput Case : एनसीबीच्या टार्गेटवर आता सॅमचा 'बॉस', बॉलीवूडमध्ये 'ड्रग अंकल' म्हणून ओळख 

ठळक मुद्देबॉलिवूडमधील ड्रग कनेक्शनप्रकरणी अभीनेत्री रिया चक्रवर्ती तिचा भाऊ शौविक चक्रवर्ती यांच्या अटकेनंतर राहिल विश्वास याच्यावरील कारवाई मोठी मानली जाते. एनसीबीच्या पथकाने शुक्रवारी वसई येथे छापा टाकून मोठ्या प्रमाणात कोकेनचा साठा जप्त केला.

मुंबई - सुशांत सिंग राजपूत प्रकरणाच्या तपासातून बॉलीवूडमधील  ड्रग्ज कनेक्शन उघड झाल्यानंतर एनसीबीचा तपास आता या क्षेत्रात 'बॉस'म्हणून ओळखल्या जाणाऱ्याच्या पर्यंत पोहचला आहे. शुक्रवारी अटक केलेल्या तस्कर राहिल विश्राम हा बॉलीवूडमधील या 'बॉस' च्या सूचनेनुसार अंमली पदार्थाची डिलिव्हरी करीत असल्याचे समोर आले आहे. त्यामुळे पथकाकडून आता त्याचा शोध घेतला जात आहे.   


दरम्यान, तस्कर राहिल विश्राम हा  चित्रपटसृष्टीत सॅम ड्रग अंकल म्हणून ओळखला जात होता, या नावाने त्याच्याकडे  'मालाची ' मागणी केली जात असे, असे अधिकाऱ्यांकडून सांगण्यात आले. राहिलकडे केलेल्या चौकशीतून या नशाबाजीमध्ये गुंतलेल्या अनेक हाय प्रोफाइल सेलिब्रिटींची नावे समोर येण्याची शक्यता आहे. राहिल हा 'बॉस' या नावाने बॉलिवूडमध्ये ओळखल्या जाणाऱ्या व्यक्तीच्या सांगण्यावरून ड्रग्ज संबंधित व्यक्तींना पुरवित असे. त्याचा चित्रपटसृष्टीशी थेट संबंध असून तो अभिनेता, दिग्दर्शक किंवा निर्माता यांपैकी कोणीही असू शकतो. त्याबाबत अधिक माहिती घेण्यात येत असल्याचे सूत्राकडून सांगण्यात आले. 


बॉलिवूडमधील ड्रग कनेक्शनप्रकरणी अभीनेत्री रिया चक्रवर्ती तिचा भाऊ शौविक चक्रवर्ती यांच्या अटकेनंतर राहिल विश्वास याच्यावरील कारवाई मोठी मानली जाते. सॅम ड्रग अंकल म्हणून ओळखल्या जाणाऱ्या राहिलकडून अनेक महत्वपूर्ण बाबी समोर येणार आहेत.
 

'त्या' पार्टीच्या व्हिडीओची सत्यता  पडताळणार
करण जोहरच्या पार्टीच्या व्हायरल झालेल्या व्हिडिओत अमली पदार्थांचा वापर करण्यात आला होता की नाही,  याची चौकशीही एनसीबीकडून सविस्तरपणे  करण्यात येणार आहे. त्यामध्ये कोणतीही गडबड केली जाणार नाही. कथित व्हिडीओची सत्यता पडताळल्यानंतर पुढील कार्यवाही केली जाणार असल्याचे अधिकाऱ्यांकडून सांगण्यात आले.

वसईतून चार कोटीचे कोकेन जप्त
एनसीबीच्या पथकाने शुक्रवारी वसई येथे छापा टाकून मोठ्या प्रमाणात कोकेनचा साठा जप्त केला. त्याची किमत चार कोटी असून याप्रकरणी एस. घंगाळेला अटक केली आहे. तो प्रॉपर्टी डीलर असून त्याच्याकडूनअंमली पदार्थाचे सेवन करीत असलेली  'हाय प्रोफाइल ' नावे उघडकीस येण्याची शक्यता आहे. या महिन्याच्या सुरवातीला इथिओपियाच्या अदिस अबाबा येथून दिल्ली आलेल्या एका पार्सलमधून  670 ग्रॅम कोकेन जप्त केले होते. त्याच्या तपासाची तार वसईपर्यंत पोहचली आहे, याबाबत कसून चौकशी करण्यात येत असल्याचे एनसीबीचे उपसंचालक (अभियान ) केपीएस मल्होत्रा यांनी शनिवारी दिल्लीत एका वृत्तसंस्थेला सांगितले.

 

अन्य महत्वाच्या बातम्या...

 

महिलेचे अश्लील फोटो व्हायरल करणारा निघाला तिचाच पती

 

नात्याला काळीमा! पतीने पकडून ठेवले अन् मित्र करीत राहिला पत्नीवर अत्याचार

 

चीनसाठी हेरगिरी करणाऱ्या पत्रकारासह महिला आणि पुरुषास अटक

 

बलात्कारास विरोध केल्याने काकाने चिमुकलीचे केली हत्या, कुजलेल्या मृतदेहावर आढळल्या कुत्र्याने चावा घेतलेल्या खुणा

 

युपी पोलिसांचा आणखी एक कारनामा, जेलमध्ये पाटवण्याची धमकी देऊन घेतली ऑनलाईन लाच 

 

Disha Salian Death Case : मृत्यूपूर्वी दिशा सालियननं १०० नंबरवर कॉल केला होता का? मुंबई पोलिसांनी केला खुलासा 

 

करोडो रुपयांच्या ड्रग्जसह सापडला पेडलर, बॉलिवूड कनेक्शनबाबत भांडाफोड होणार 

 

गँगरेप! महिलेच्या अब्रूचे लचके तोडून बनवला व्हिडीओ अन् केला व्हायरल 

 

 

Web Title: Sushant Singh Rajput Case : Sam's 'boss' is on NCB's target, now known as 'drug uncle' in Bollywood

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.