उल्हासनगर - आई आणि मुलाच्या अनैतिक संबधाच्या संशयातून सावत्र बापाने मुलाची हत्या केल्याची घटना कॅम्प नं -४ येथील व्हिनस चौक परिसरात घडली. याप्रकरणी विठ्ठलवाडी पोलीस ठाण्यात गुन्हा दाखल झाला असून पोलिसांनी सावत्र बापाला अटक केली.
उल्हासनगर कॅम्प नं -४ परिसरातील व्हिनस चौक परिसरात एक महिला आपल्या तीन मुलासह राहत होती. काही महिन्यांपासून विजय चव्हाण नावाचा इसम त्यांच्याकडे राहायला आला असून त्याने महिले सोबत लग्न केल्याचे त्याचे म्हणणे आहे. गुरवारी सकाळी ५ वाजण्याच्या दरम्यान २३ वर्षीय सावत्र मुलगा राजेश खरात झोपेत असताना लोखंडी सळईने त्याला जबर मारहाण केली. डोक्याला मार लागल्याने त्याचा जागीच मृत्यू झाला. या प्रकाराने एकच खळबळ उडाली असून मृत राजेशच्या लहान भावाने झालेल्या प्रकाराबाबत विठ्ठलवाडी पोलिसांना माहिती दिली.
पोलिसांनी घटनास्थळी धाव घेऊन आरोपी व सावत्र बाप असलेल्या विजय चव्हाण याला अटक केली. आई व मुलाच्या अनैतिक संबंधाच्या संशयातून सावत्र मुलाला संपविल्याची कबुली चव्हान याने पोलिसांना दिली. अशी माहिती सहायक पोलिस आयुक्त डी डी टेळे यांनी दिली. विठ्ठलवाडी पोलीस ठाण्यात खुनाचा गुन्हा दाखल होवून आरोपी विजय चव्हाण याला अटक केली. अधिक चौकशी वरिष्ठ पोलीस निरीक्षक रमेश भामे करीत आहेत.
अन्य महत्वाच्या बातम्या...
खळबळजनक! १६ वर्षांच्या TikToker तरुणीची आत्महत्या; रात्री मॅनेजरशी गाण्याबद्दल बोलली, अन्...
धक्कादायक! हालाखीच्या परिस्थितीला कंटाळून महिलेने मुलीला गळफास लावून स्वतःही केली आत्महत्या
उसन्या पैशाचा तगादा लावल्याने भाजीवाल्याची तारेने गळा आवळून हत्या
५ प्रेमविवाहानंतर पतीचा दुर्दैवी अंत; पहिल्या पत्नीनेच १ कोटींची सुपारी देऊन काढला काटा
लग्न सोहळ्यात वादग्रस्त हळदी समारंभामुळे आले विघ्न, तिघांवर गुन्हा दाखल