बीड : स्टुडंट्स फेडरेशन ऑफ इंडिया (एसएफआय), डेमोक्रॅटिक युथ फेडरेशन ऑफ इंडिया (डीवायएफआय) व अखिल भारतीय जनवादी महिला संघटनांच्या (एडवा) वतीने जिल्हाधिकारी कार्यालयासमोर २३ जुलै रोजी आंदोलन करण्यात आले.
शिक्षण, रोजगार, आरोग्य आणि जीवनावश्यक मागण्यांकडे लक्ष वेधण्यासाठी स्वातंत्र्यसेनानी कॅप्टन लक्ष्मी सहगल यांच्या स्मृतिदिनी व क्रांतिकारक शहीद चंद्रशेखर आझाद यांच्या जन्मदिनी तिन्ही संघटनांच्यावतीने देशभरात आंदोलन करण्याची हाक देण्यात आली होती. याचाच एक भाग म्हणून बीडमध्ये जिल्हाधिकारी कार्यालय तसेच माजलगाव, वडवणी, परळी, अंबाजोगाई येथे हे आंदोलन केेले. आंदोलन सुरू असताना पावसाने हजेरी लावली, तरीसुद्धा आंदोलन सुरूच होते.
पीएम केअर निधीतून सार्वजनिक आरोग्याच्या पायाभूत सुविधा सुधारण्यासाठी आणि सर्व मुलांना विनामूल्य ऑनलाईन शिक्षण देण्यासाठी पैसे खर्च करा, सेन्ट्रल व्हिस्ता प्रकल्प रद्द करून तो पैसा देखील याच कामासाठी वापरा, सर्व शैक्षणिक फी माफ करा. गरीब आणि सामाजिकदृष्ट्या वंचित विद्यार्थ्यांना शैक्षणिक सुविधा, आवश्यक उपकरणे आणि इंटरनेट सेवा मोफत पुरवा, विद्यार्थ्यांना ऑनलाईन वर्गातून काढून टाकणाऱ्या खासगी शाळांचे परवाने सरकारने रद्द करावेत, सर्वांना मोफत व सार्वत्रिक लस मिळालीच पाहिजे, थकीत शिष्यवृत्ती, फेलोशिप व स्वाधार योजनेची रक्कम विद्यार्थ्यांच्या खात्यात तात्काळ जमा करा, शैक्षणिक संस्था तात्काळ सुरू करून, विद्यार्थ्यांना वसतिगृहात राहण्याची सुविधा उपलब्ध करा, यांसह इतर अनेक मागण्या निवेदनात करण्यात आल्या आहेत.
या आंदोलनात एसएफआयचे राज्य सचिव रोहिदास जाधव, जिल्हा सचिव लहू खारगे, डीवायएफआयचे तालुका अध्यक्ष सुहास जायभाये, तालुका सचिव प्रा. डॉ. कुंडलिक खेत्री, एडवाच्या शुभांगी कुलकर्णी, एसएफआयचे तालुका सचिव अभिषेक शिंदे, किरण घाटगे, शिवा चव्हाव्ण, निखिल शिंदे, शंकर चव्हाण, मंगेश मुंडे, राहुल राठोड, संदीप गांडगे, ए. पी. कांबळे आदी कार्यकर्ते सहभागी झाले होते.
230721\23_2_bed_1_23072021_14.jpg
एसएफआय आंदोलन