१९ उमेदवार रिंगणाबाहेर

वाशिम जिल्ह्यातील तीन विधानसभा मतदारसंघात १२४ उमेदवारांचे २0५ अर्ज

वाशिम : आगामी १५ ऑक्टोबरला होऊ घातलेल्या विधानसभा निवडणुकीसाठी उमेदवारी अर्ज करण्याच्या शेवटच्या दिवसापर्यंत तीनही मतदारसंघातून १२४ इच्छुक उमेदवारांनी एकूण २0५ नामांकन दाखल केले होते. २९ सप्टेंबर रोजी अर्ज छाननीत ३५ अर्ज अर्ज रद्द झालेत. यामधील एकूण १९ उमेदवार रिंगणाबाहेर पडले आहेत. कारंजा विधानसभा मतदारसंघातील १७, वाशिम विधानसभा मतदारसंघातील १0 तर रिसोड विधानसभा मतदारसंघातील ८ अर्जांचा समावेश आहे. वाशिम विधानसभा मतदार संघामध्ये उमेदवारांनी दाखल केलेल्या अर्जांपैकी आज छाननीत १0 अर्ज रद्द करण्यात आले यामध्ये आत्माराम अडागळे, शाम खोडे, रजनी राठोड, किसन गायकवाड, भानुदास खंदारे, अन्नपूर्णा कंकाळ, ङ्म्रावण कांबळे, साहेबराव भगत, बबनराव खिल्लारे, नालंदा चक्रनारायण यांचा समावेश आहे. हे दहा उमेदवार रिंगणाबाहेर पडले आहेत. रिसोड विधानसभा मतदारसंघात एकूण उमेदवारांनी दाखल केलेल्या अर्जांपैकी चार उमेदवारांचे आठ अर्ज रद्द करण्यात आले. यामध्ये सोनाली प्रकाश साबळे, सुनील ङ्म्रीपतराव पाटील, नानाराव तुकाराम घुगे, विशाल पंजाबराव घुगे या उमेदवारांचा समावेश आहे. कारंजा विधानसभा मतदारसंघात दाखल करण्यात आलेल्या ८४ उमेदवारी अर्जांपैकी १७ अर्ज अवैध ठरले आहेत, तर ५ उमेदवार बाद ठरले आहेत. कारंजा विधानसभा मतदारसंघात ४४ उमेदवारांचे अर्ज वैध ठरविण्यात आले. कारंजा विधानसभा मतदारसंघातून नामांकन दाखल करण्याच्या अखेरच्या दिवसापर्यंंत अर्थात २७ सप्टेंबरपर्यं त एकूण ४९ उमेदवारांकडून ८४ नामांकन अर्ज दाखल करण्यात आले होते. अर्ज छाननीच्या दिवशी २९ सप्टेंबर रोजी यातील १७ अर्ज अवैध ठरले. प्रत्येकी एक अर्ज दाखल करणार्‍या पाच उमेदवारांच्या अर्जांंचा यामध्ये समावेश असल्याने या पाचही जणांची उमेदवारीही रद्द झाली. यामध्ये प्रकाशआप्पा निंबलवार, सदाशिव लोडम, कृष्णराव राठोड, उमेश शितोळे, नरेंद्र गोलेच्छा यांचा समावेश आहे. ज्यांचे अर्ज अवैध ठरले आहेत. ज्यांची उमेदवारी कायम आहे; मात्र ज्यांचे अर्ज दोनपेक्षा अधिक आहेत त्यामध्ये विद्यमान आमदार प्रकाश डहाके, भारत सावळे, राजू जोगदंड, सदाशिव लोडम, सुनील राठोड, राजेश जाधव, रामदेव राठोड, कृष्णराव राठोड, रामनाथ राठोड, अरविंद इंगोले, पटेल इफ्तेखार अहेमद, अनिल राठोड यांचा समावेश आहे. तीनही विधानसभा मतदारसंघांमध्ये काँग्रेस, राष्ट्रवादी काँग्रेस, शिवसेना व भाजपा या प्रमुख पक्षांमध्ये अनेक पदाधिकारी व वजनदार कार्यकर्त्यांंची उमेदवारी कायम आहे. त्यामुळे या उमेदवारांची प्रमुख पक्षांच्या उमेदवारांना चांगलीच डोकेदुखी होणार.