वसई विरार ताज्या मराठी बातम्या | Vasai Virar Online News in Marathi at Lokmat.com

वसई : वसई पूर्व येथे शनिवारी सकाळी सात मजली टॉवरच्या लिफ्टमध्ये अडकून एका बालकाचा मृत्यू झाला. वालीव पोलिसांनी मृतदेह ताब्यात घेतला असून शवविच्छेदनासाठी पाठवला आहे. याबाबत पोलीस अधिक तपास करीत आहेत.सातिवली येथे डायस रेसिडन्सी हा सात मजली टॉवर आहे. त्याच्या पहिल्या मजल्यावर फ्लॅट नं. १०४ मध्ये संदीप गौड राहतात. शनिवारी सकाळी ११ वाजता त्यांचा पुत्र अंशकुमार हा भाऊ ईशानकुमार व शेजारी राहणारा सर्वन चौबे या मित्रासोबत सोसायटी परिसरात खेळायला गेला होता. खेळून झाल्यावर पहिल्या मजल्यावर जाण्यासाठी लिफ्टचे दार उघडून आत जात असताना अचानक लिफ्ट सुरू झाली. लिफ्ट व भिंत यामधील मोकळ्या जागेत अंशकुमार अडकला गेला. या वेळी भांबावलेल्या ईशानकुमार व सर्वनने मदतीसाठी आरडाओरडा केला. सोसायटीतील रहिवाशांनी धावाधाव करीत लिफ्टच्या मोकळ्या जागेत अडकलेल्या अंशकुमारला बाहेर काढले. मात्र डोके व पोट पूर्णपणे चेपले गेल्यामुळे त्याचा जागीच मृत्यू झाला. याबाबत अंशकुमार याचे आजोबा रामहित गौड यांनी पोलिसांना या अपघाताची माहिती दिली. त्यांनी मृतदेह शवविच्छेदनासाठी पाठविला आहे. अंशकुमार न्यू लाइफ एज्युकेशनच्या शाळेत सिनीयर केजीत शिकत होता. याप्रकरणी पुढील तपास पोलीस उपनिरीक्षक संदीप दिवटे करीत आहेत.विकासकावर सदोष मनुष्यवधाचा गुन्हाडायस रेसिडन्सीची लिफ्ट काही दिवसांपासून बिघडलेली होती. मात्र सहा वर्षे झाली तरी सोसायटी बनविली गेली नव्हती. याबाबत हा टॉवर बांधणाऱ्या डायस ब्रदर्स या विकासकांना वारंवार सांगूनही लिफ्ट दुरुस्त केली गेली नव्हती. विकासकही रहिवाशांच्या सोयीसुविधांकडे दुर्लक्ष करीत होता. अनेकदा लिफ्टमध्ये रहिवासी अडकले की, इतर लोक लिफ्टचे दार उघडण्यासाठी सळईचा वापर करीत होते. डायस ब्रदर्स दोषी आढळल्यास त्यांच्याविरुद्ध सदोष मनुष्यवधाचा गुन्हा दाखल करण्यात येणार असल्याचे वरिष्ठ निरीक्षक प्रकाश बिराजदार यांनी सांगितले.

वसई विरार, मराठी बातम्याFOLLOW

Vasai virar, Latest Marathi News

मच्छीचे दर २०० ते ३०० रुपयांनी वाढले : खवय्यांच्या खिशाला कात्री, कोळीही नाराज ...

निद्रिस्त शाखांसाठी प्रसाद कांबळीची मात्रा : मिरवणाऱ्या सदस्यांना संमेलनात प्रवेश नाही ...

अचानक कारवाई झाल्याने वाहनचालक संतप्त : दंडाची वसुली जनतेच्या सुरक्षिततेसाठीच ...

नेत्यांची तोंडे दोन दिशेला : सेस्मिक सर्वेक्षणाला प्रखर विरोध की बोटी भाड्याने देणार? ...

फा. फ्रान्सिस दिब्रिटो : वसई-विरार महानगर पत्रकार संघातर्फे पत्रकार दिन संपन्न ...

अनधिकृत बांधकामांविरोधात नगराध्यक्षांची तक्रार : मुख्याधिकाऱ्यांकडून चालढकल होत असल्याचा आरोप ...

कौटुंबिक वादातून अपहरण : १० तासांत मुलाला शोधण्यात पोलिसांना यश; अपहरण करणाºयांच्या टोळीमध्ये पित्याचा समावेश ...

डायस रेसिडन्सीमधील प्रकार : लिफ्ट दुरुस्त न केल्याने घडली घटना ...