ठाणे : घोडबंदर रोडवरील पातलीपाडा परिसरात शनिवारी सकाळी झालेल्या भीषण अपघातात दुचाकीस्वार तरुणाचा जागीच मृत्यू झाला. अज्ञात वाहनाने दिलेल्या धडकेत हा अपघात घडला. या घटनेमुळे परिसरात हळहळ व्यक्त करण्यात येत आहे. मिळालेल्या माहितीनुसार, सकाळी सुमारे ७.२० वाजण्याच्या सुमारास डी-मार्ट समोर घोडबंदर वाहिनीवर हा अपघात झाला. सोनू सुधाकर जाधव (वय २१, रा. नाशिक) असे मृत तरुणाचे नाव असून तो आपल्या काका केशव निंबाजी जाधव यांच्याकडे पातलीपाडा येथे आला होता. शनिवारी सकाळी तो दुचाकीवरून पातलीपाडा येथून घोडबंदरच्या दिशेने जात असताना अज्ञात वाहनाने त्याच्या दुचाकीला जोरदार धडक दिली. या धडकेत सोनू जाधव गंभीर जखमी झाला आणि त्याचा जागीच मृत्यू झाला.
घटनेची माहिती मिळताच बिट मार्शलचे अंमलदार तसेच कासारवडवली पोलिस ठाण्याचे पोलीस उपनिरीक्षक थोरवे आणि त्यांचे पथक घटनास्थळी दाखल झाले. त्यानंतर मृतदेह रुग्णवाहिकेतून शवविच्छेदनासाठी सिव्हिल रुग्णालयात पाठविण्यात आला. अपघातानंतर काही काळ वाहतुकीवर परिणाम झाला होता. मात्र पोलिसांनी अपघातग्रस्त दुचाकी रस्त्याच्या बाजूला हटवून वाहतूक सुरळीत केली. या प्रकरणी कासारवडवली पोलिस ठाण्यात नोंद करण्यात आली असून पोलीस उपनिरीक्षक थोरवे पुढील तपास करत आहेत.
Web Summary : A 21-year-old biker, Sonu Jadhav, died in a tragic accident on Ghodbunder Road in Thane. An unidentified vehicle struck his motorcycle near D-Mart, killing him instantly. Police are investigating the incident, which caused temporary traffic disruptions. The body has been sent for post-mortem.
Web Summary : ठाणे के घोडबंदर रोड पर एक दुखद दुर्घटना में 21 वर्षीय बाइक सवार सोनू जाधव की मौत हो गई। डी-मार्ट के पास अज्ञात वाहन ने उनकी मोटरसाइकिल को टक्कर मार दी, जिससे मौके पर ही उनकी मौत हो गई। पुलिस मामले की जांच कर रही है, जिससे यातायात बाधित हुआ। शव को पोस्टमार्टम के लिए भेजा गया है।