twitter may soon turn off retweet option and give users more control over mentions in tweets | Twitter 'हे' लोकप्रिय फीचर हटवणार, युजर्सची चिंता वाढणार
Twitter 'हे' लोकप्रिय फीचर हटवणार, युजर्सची चिंता वाढणार

ठळक मुद्देमायक्रो ब्लॉगिंग साईट असलेल्या ट्विटरचा वापर मोठ्या प्रमाणात केला जातो.ट्विटर लवकरच रिट्विट हे आपलं लोकप्रिय फीचर हटवणार असल्याची माहिती मिळत आहे. ट्विटरच्या डेंटली डेविस यांनी एक ट्वीट करून याबाबतचे संकेत दिले आहेत. 

नवी दिल्ली - मायक्रो ब्लॉगिंग साईट असलेल्या ट्विटरचा वापर मोठ्या प्रमाणात केला जातो. ट्विटर आपल्या युजर्ससाठी नवनवीन फीचर आणत असतं. मात्र आता ट्विटरने एक महत्त्वाचा निर्णय घेण्याचा विचार करत आहे. ट्विटर लवकरच रिट्विट हे आपलं लोकप्रिय फीचर हटवणार असल्याची माहिती मिळत आहे. याबदल्यात कंपनी नवीन अँटी-हरासमेंट फीचर्स आणत आहे. यामुळे ट्विटरवर रिट्विट करणं आणि दुसऱ्या युजर्सना मेन्शन करण्याची पद्धत पूर्णत: बदलणार आहे. ट्विटरच्या डेंटली डेविस यांनी एक ट्वीट करून याबाबतचे संकेत दिले आहेत. 

2020 मध्ये ट्विटरवर कोणते बदल अपेक्षित आहेत याची माहिती डेविस यांनी आपल्या ट्विटमध्ये दिली आहे. युजर्स आपलं खास ट्विट रिट्विट करण्याचा ऑप्शन बंद करू शकतात. तसेच एक यूजर दुसऱ्या युजर्सला त्याच्या परमिशन शिवाय मेन्शन करू शकत नाहीत. तसेच युजर्स आपल्या मर्जीने कोणत्या तरी खास संभाषणातून बाहेर पडू शकतात अशा गोष्टींचा समावेश ट्विटमध्ये करण्यात आलं आहे. यानुसार लवकरच युजर्स आपलं ट्विट कोणी रिट्विट करावं हे ठरवू शकतात. एका हिंदी वेबसाईटने याबाबतचे वृत्त दिले आहे. 

ट्विटरवर आता राजकीय जाहिराती दिसणार नाहीत कारण ट्विटरने सर्व प्रकारच्या राजकीय जाहिराती बॅन करण्याचा निर्णय घेतला आहे. ट्विटरचे सीईओ जॅक पॅट्रिक डॉर्सी यांनी याबाबत घोषणा केली आहे. ट्वीट करून जॅक यांनी या निर्णयाची माहिती दिली आहे. जॅक यांनी 'आम्ही जगभरात सर्व राजकीय जाहिराती रोखण्याचा निर्णय घेतला आहे. राजकीय संदेश हा इतरांपर्यंत पोहोचवला पाहिजे पण तो विकत घेतला जाऊ नये असं आमचं मत आहे. का? तर काही कारणांसाठी...' असं ट्विट केलं आहे. 15 नोव्हेंबर रोजी याबाबत सविस्तर माहिती दिली जाणार आहे. 22 नोव्हेंबरपासून ट्विटरवर राजकीय जाहिराती दिसणार नाहीत. हे लागू करण्याआधी जाहिरातदारांना नोटिस  देण्यात येणार आहे. 

'इंटरनेटवर जाहिराती खूप ताकदवान आणि प्रभावी ठरतात. व्यावसायिक जाहिरातींपर्यंत ठिक आहे, पण ही ताकद राजकीय जाहिरातींच्या बाबतीत मोठी जोखीम ठरू शकते. राजकारणामध्ये या जाहिरातींचा उपयोग मतांवर प्रभाव पाडण्यासाठी होऊ शकतो, याचा परिणाम लाखो लोकांच्या जीवनावर होण्याची शक्यता असते' असं देखील जॅक पॅट्रिक डॉर्सी यांनी आपल्या ट्विटमध्ये म्हटलं आहे. 

twitter stops all political advertising globally | ...म्हणून 22 नोव्हेंबरपासून ट्विटरवर दिसणार नाहीत राजकीय जाहिराती

खूशखबर! Twitter वर आता एडिट करता येणार ट्वीट; फायदेशीर ठरणार नवं फिचर

सोशल मीडियावर एखादी गोष्ट पोस्ट केल्यानंतर त्यामध्ये चूक असल्यास अथवा अन्य काही कारणांमुळे ती पोस्ट एडिट करायची असल्यास एडिटचा पर्याय उपलब्ध असतो. मात्र Twitter वर ट्वीट एडिट करता येत नाही. ट्वीटर युजर्ससाठी एक खूशखबर आहे कारण फेसबुकप्रमाणेच आता लवकरच ट्वीट एडिट करता येणार आहे. एडिटसाठी Twitter एक नवीन फीचर लॉन्च करणार आहे. ट्वीटरच्या या फीचरद्वारे युजर्सना एडिट केलेले ट्वीट दिसणार आहे मात्र याआधी केलेले मूळ ट्वीटही दिसणार आहे. ट्वीट एडिट करण्यासाठी आणण्यात येणाऱ्या नव्या फीचरचा युजर्सला फायदा होणार आहे. युजर्सकडे ते ट्वीट डिलीट करण्यासाठी 5 ते 30 सेकंदाचा वेळ असणार आहे. त्याच विंडोमध्ये युजर्स ते एडिट करू शकतात.

 


Web Title: twitter may soon turn off retweet option and give users more control over mentions in tweets
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.