ऑफिसमध्ये आता मानवी कर्मचाऱ्यांची गरज नाही? सॅम ऑल्टमन यांच्या कंपनीने आणली 'AI टीम'; काय आहे 'Frontier' टूल?

'भविष्यात फक्त त्या कंपन्याच यशस्वी होतील ज्या कंपन्यांमध्ये एआयचा वापर मोठ्या प्रमाणामध्ये केला जाईल आणि लोक एआय एजंट्सच्या टीमचे व्यवस्थापन करतील, असे ओपन एआयचे सॅम ऑल्टमन म्हणाले. ओपनएआयने फ्रंटियर नावाचे एक प्लॅटफॉर्म सुरू केले आहे, हे कंपन्यांसाठी एआय कर्मचारी तयार करणार आहे.

जगभरात एआयचा वापर मोठ्या प्रमाणात वाढला आहे. अनेक कंपन्यांनी कर्मचाऱ्यांची कपातही केली आहे. आता ओपन एआय या कंपनीने कंपन्यांमध्ये काम करण्यासाठी एआयची टीमही बनवली आहे,  कंपन्यांमध्ये असणारी  कर्मचाऱ्यांची टीमही एआय बनवणार आहे. ओपन एआयने फ्रंटियर नावाचा एक नवीन एंटरप्राइझ प्लॅटफॉर्म तयार केला आहे. हे प्लॅटफॉर्म कंपन्यांना एआय कर्मचारी तयार करण्यास मदत करणार आहे.

सॅम ऑल्टमन यांच्या मते, कंपन्यांमध्ये एआय एजंट्सची टीम लोक व्यवस्थापित करतील. याचा अर्थ असा की भविष्यात एआय एजंट्स मानवी कर्मचाऱ्यांची जागा घेतील आणि त्या एआय कर्मचाऱ्यांचे व्यवस्थापन करण्याचे काम काही लोकांचे असणार आहे.

याबाबत सॅम आल्टमन यांनी सोशल मिडिया प्लॅटफॉर्म एक्सवर एक पोस्ट केली आहे. 'भविष्यात फक्त त्या कंपन्या यशस्वी होतील ज्या मोठ्या प्रमाणात एआयचा वापर करतील आणि ज्या ठिकाणी  लोक या एआय एजंट्सच्या टीमचे व्यवस्थापन करतील.

Frontier काय आहे आणि ते कसे काम करणार?

फ्रंटियर मोठ्या एंटरप्राइझ कंपन्यांसाठी डिझाइन केलेले आहे. ते त्यांना त्यांच्या अंतर्गत प्रणालींमध्ये कार्यरत असलेल्या एआय एजंट्सना सहजपणे व्यवस्थापित करण्यास सक्षम करणार आहे. एआय एजंट्स मानवी कर्मचाऱ्यांप्रमाणे काम करतात. त्यांना कंपनीच्या इंटरनल सिस्टीमचे मार्गदर्शन केले जाते, प्रशिक्षित केले जाते आणि मानवांप्रमाणेच अभिप्रायातून शिकवले जाते. शिवाय, प्रत्येक एजंटची ओळख आणि सुरक्षितता मर्यादा असतात.

एआय एजंट्स कसे काम करतात?

ओपन एआयचा फ्रंटियर प्लॅटफॉर्म कंपन्यांच्या डेटा वेअरहाऊस, सीआरएम सिस्टम आणि तिकीट टूल्स सारख्या अंतर्गत अॅप्सशी जोडला जाणार आहे. यामुळे कंपनी आणि तिच्या ऑपरेशन्सबद्दल एआयची समज आणखी वाढते. यामुळे एआय एजंट्सना कोणत्याही नवीन डेटा फॉरमॅटची आवश्यकता न पडता फाइल्ससह काम करणे, कोड चालवणे आणि विद्यमान एंटरप्राइझ टूल्स वापरणे शक्य होईल.

अल्टमन यांच्या मते, त्यांचे प्लॅटफॉर्म कोडेक्स वापरते जेणेकरून कंपन्या किंवा तृतीय-पक्ष विकासक सुरक्षित एजंट तयार करू शकतील. ओपनएआयने त्यांना सुधारण्यासाठी अंगभूत मूल्यांकन आणि ऑप्टिमायझेशन साधने देखील दिली आहेत. 

लाँच झाल्यापासून, जगभरातील असंख्य कंपन्यांनी फ्रंटियरचा वापर सुरू केला आहे. यामध्ये एचपी, ओरॅकल, उबर आणि थर्मो फिशर यांचा समावेश आहे. सध्या सिस्को आणि टी-मोबाइल सारख्या कंपन्यांमध्ये पायलट प्रोग्राम सुरू आहेत.

ओपनएआय आपल्या प्लॅटफॉर्मला आणखी उत्कृष्ट करत आहे. सध्या, हे प्लॅटफॉर्म मर्यादित संख्येतील कंपन्यांसाठी उपलब्ध आहे, पण लवकरच ते सर्वांसाठी खुले होणार आहे.