नवी दिल्ली - व्हॉट्सअॅप हे सर्वात लोकप्रिय मेसेजिंग अॅपपैकी एक आहे. युजर्सला यावरून मेसेज पाठवण्यासोबतच फोटो, व्हिडीओ आणि इतर फाईल्स देखील पाठवता येतात. व्हॉट्सअॅप आपल्या युजर्सचं चॅटिंग आणखी मजेशीर व्हावं म्हणून नवनवीन फीचर्स आणत असतं. मात्र, युजर्सला अद्याप व्हॉट्सअॅपच्या माध्यमातून हाय-क्वालिटी फोटो पाठवता येत नाही. जुलैमध्ये कंपनीने इमेज कंप्रेशनमध्ये बदल करण्याचे काही संकेत दिले आहे.
व्हॉट्सअॅप फाईल वेगाने ट्रान्सफर करण्यासाठी आपोआप 70 टक्क्यांपर्यंत इमेज क्वालिटीला कम्प्रेस करते. यामुळे युजर्सच्या मोबाईल डेटाची बचत होते. मात्र जर तुम्हाला चांगल्या क्वालिटीचे फोटो शेअर करायचे असतील तर अशावेळी याचा उपयोग होत नाही. पण काही सोप्या ट्रिक्सद्वारे तुम्ही समोरील युजर्सला ओरिजिनल क्वालिटीमध्ये फोटो पाठवू शकता. ओरिजिनल क्वालिटीमध्ये फोटो कसे पाठवू शकता, याबाबत जाणून घेऊया...
व्हॉट्सअॅपवर असे पाठवा हायक्वालिटी फोटो
- सर्वप्रथम व्हॉट्सअॅपवर ज्या कॉन्टॅक्टला फोटो पाठवायचा आहे ते ओपन करा.
- चॅट स्क्रीनमध्ये तुम्हाला खाली कॅमेरा आयकॉनच्या बाजूला एक पेपर क्लिक सारखे चिन्ह दिसेल.
- पेपर क्लिप चिन्हावर क्लिक केल्यानंतर इतर चिन्ह दिसतील.
- आता डॉक्यूमेंट्स पर्यायावर क्लिक करा.
- आता जे फोटो डॉक्यूमेंट्स स्वरूपात पाठवायचे आहे ते फोटो निवडा.
- जर तुम्हाला फोटो सापडत नसतील तर 'Browse other docs' पर्यायावर टॅप करा.
- येथून तुम्ही तुम्हाला हवा असलेला फोटो निवडू शकता व त्यानंतर सेंड बटणावर क्लिक करा.
- तुम्ही पाठवलेल्या डॉक्यूमेंट्सच्या साईज व इंटरनेट स्पीडनुसार फाईल सेंड होण्यास वेळ लागेल. एका हिंदी वेबसाईटने याबाबतचे वृत्त दिले आहे.
टेक, गॅजेटच्या लेटेस्ट बातम्यांसाठी इथे क्लिक करा....