सध्या फोन लॉक करण्यासाठी किंवा अनलॉक करण्यासाठी फेस रिक्गनिशन फिचरचा वापर केला जातो. यासंबंधित एक घटना चांगली चर्चेत आली आहे. एका ट्विटर यूजरने एक व्हिडीओ शेअर केला असून यात गर्लफ्रेन्ड प्रियकराच्या फोनला अनलॉक करण्याच्या प्रयत्नात आहे. पण प्रियकर काही केल्या चेहरा फोनसमोर येऊ देत नाही. शेवटी अनेक प्रयत्नानंतर महिला तिच्या प्रियकराचा फोन अनलॉक करण्यात यशस्वी ठरते. पण त्यासाठी तिला काय-काय करावं लागतं ते या व्हिडीओत बघायला मिळतं.
या व्हिडीओत दिसत आहे की, एक कपल पार्कमध्ये बेंचवर बसलं आहे. अचानक महिला प्रियकराचा फोन हिसकावून घेते आणि त्याच्या चेहऱ्यासमोर नेऊन अनलॉक करण्याचा प्रयत्न करते. पण यासाठी तिला फार जास्त मेहनत करावी लागते.
हा व्हिडीओ २२ सप्टेंबरला एक ट्विटर यूजरने शेअर केला. तेव्हापासून ७४ हजार लाइक्स या व्हिडीओला मिळाले आणि ३० हजारपेक्षा अधिक लोकांनी हा व्हिडीओ रिट्वीट केलाय.