Baramati Bypoll Election 2026 Result:बारामती विधानसभा पोटनिवडणुकीत राष्ट्रवादी काँग्रेसच्या उमेदवार सुनेत्रा पवार यांनी तब्बल २ लाख १८ हजार ९३० मतांच्या विक्रमी फरकाने विजय मिळवत राजकीय वर्तुळात नवा इतिहास घडवला. उपमुख्यमंत्री अजित पवार यांच्या निधनानंतर झालेल्या या पोटनिवडणुकीत बारामतीच्या मतदारांनी पुन्हा एकदा पवार कुटुंबावर विश्वास दाखवला. बारामती पोटनिवडणूक बिनविरोध व्हावी, यासाठी महायुतीने प्रयत्न केले होते. परंतु, तसे होऊ शकले नाही. अखेर मतदारांनी मतदान पेटीतून उत्तर दिले.
बारामती पोटनिवडणुकीत सुनेत्रा पवार यांच्या विरोधात २२ जणांनी अर्ज दाखल केले. यामध्ये काँग्रेस आणि इतर प्रमुख पक्षांनी येथे उमेदवार दिला नसला तरी, स्थानिकांसह बिग बॉस फेम अभिजीत बिचुकले आणि करुणा शर्मा-मुंडे यांनी उमेदवारी दाखल केले होते. बारामतीच्या पोटनिवडणुकीत २४ व्या फेरी अखेर सुनेत्रा पवारांना २ लाख १८ हजार ९३० इतकी मते मिळाली आहेत. उत्तर प्रदेशच्या साहिबाबादमधील सुनील कुमार शर्मा यांचा रेकॉर्ड सुनेत्रा पवारांनी मोडला आहे. २०२२ च्या निवडणुकीत सुनील कुमार शर्मांना २ लाख १४ हजार ८३५ मते मिळाली होती. तब्बल २ लाख मताधिक्याचा विक्रमी टप्पा पार करत महायुतीच्या उमेदवार सुनेत्रा पवार यांनी एकतर्फी विजय मिळवला.
अभिजित बिचुकले-करुणा मुंडेंना NOTAने केले पराभूत
अभिजीत बिचुकले यांना बारामती विधानसभा निवडणुकीत अवघे ३३३ मते मिळाली असून ते ५ व्या क्रमांकावर राहिले. तर, करुणा शर्मा यांना ३०१ मते मिळाली असून, त्या सहाव्या स्थानी राहिल्या. विशेष म्हणजे या दोन्ही उमेदवारांपेक्षा NOTA या पर्यायाल अधिक मते मिळाली. बारामती मतदारसंघात NOTA पर्यायाला ७७४ मते मिळाली. तर, सुनेत्रा पवार यांच्यानंतर दुसऱ्या क्रमांकावर प्रोफेसर आर. व्हाय. घुतुकडे सर यांना अवघी ९३५ मते मिळाली. तसेच अपक्ष उमेदवार चंद्रकांत मोटे हे ४२ मतांसह सर्वात कमी मत घेणारे उमेदवार ठरले.
दरम्यान, मी माझा अर्ज मागे घेतला नाही. माझ्यावर माघारी घेण्याचा शिक्का नको होता. माझे डिपॉझिट जप्त झाले असले तरी, हे माझे कष्टाचे पैसे आहेत. मी कुणाकडून आणत नाही. माझी प्रगती हळूहळू होत आहे. माझे स्वप्न आमदार होण्याचे नाही, मी किंग होण्यासाठी लढतो आहे. मी आमदार नाही किंगमेकर होणार आहे. मी बारामतीत प्रचार केला असता, तर निकाल निश्चितच वेगळा लागला असता. मात्र, अजित पवार यांना आदरांजली म्हणून त्या ठिकाणी गेलो नाही, अशी प्रतिक्रिया अभिजित बिचुकले यांनी दिली.
Web Summary : Sunetra Pawar won Baramati by-election with a record margin. Bichukale and Karuna Munde received fewer votes than NOTA. Pawar secured 2,18,930 votes.
Web Summary : बारामती उपचुनाव में सुनेत्रा पवार रिकॉर्ड मतों से विजयी हुईं। बिचुकले और करुणा मुंडे को NOTA से भी कम वोट मिले। सुनेत्रा पवार को 2,18,930 वोट मिले।