आता माझी सटकली! सुपरमार्केटमध्ये महिलेने फोडल्या ५०० दारूच्या बाटल्या, ९५ लाखांचं नुकसान

ब्रिटनच्या एका महिलेने रागाच्या भरात ९५ लाख रूपयांचं नुकसान करून टाकलं. या महिलेने एका सुपरमार्केटमध्ये घुसून तब्बल ५०० दारूच्या बाटल्या फोडल्या.

रागाच्या लोक काय काय करतात हे तुम्ही अनेकदा पाहिलं असेल. कुणी रागात कुणाला मारतं तर कुणीतरी काहीतरी फोडून टाकतं. नाही तर काही लोक रागाच्या भरात कुठेतरी निघून जातात. ते म्हणतात ना की राग व्यक्तीला सैतान बनवतो. हे खरंच आहे. ब्रिटनच्या एका महिलेने रागाच्या भरात ९५ लाख रूपयांचं नुकसान करून टाकलं. या महिलेने एका सुपरमार्केटमध्ये घुसून तब्बल ५०० दारूच्या बाटल्या फोडल्या.

या घटनेचा व्हिडीओही समोर आला आहे. न्यूयॉर्क पोस्टनुसार, ही घटना Aldi Supermarket जे इंग्लंडच्या Stevenage मध्ये घडली आहे. असे सांगितले जात आहे की, महिलेने जवळपास ५०० दारूच्या बॉटल तोडल्या. यांची किंमत साधारण १३०,००० डॉलर सांगितली जात आहे. भारतीय करन्सीनुसार ही रक्कम ९५ लाख रूपये इतकी होते. तिने हे का केलं याचं कारण समजू शकलेलं नाही.

Aldi in Stevenage this afternoon.. 😯 pic.twitter.com/qGWkPCGbo7

— Peacsy (@Peacsy3) November 25, 2020

या व्हिडीओत पाहिलं जातंय की, कशाप्रकारे एका महिला धडाधड दारूच्या बाटल्या फोडत आहे. या महिलेच्या मागे सर्व दारूच्या फुटलेल्या बाटल्या दिसत आहेत. इतकेच नाही तर हे करत असताना महिलेच्या हातालाही इजा झाली आहे. सुपरमार्केटमध्ये हजर असलेल्या व्यक्तीने सांगितले की, आजपर्यंत त्याने असं कधी पाहिलं नाही. महिलेला पोलिसांनी अटक केली असून चौकशी सुरू आहे.