अमेरिकेतील Louisville शहरात एक अशी घटना घडली आहे, जी पाहून लोक अवाक् झाले आहेत. लाइव्ह रिपोर्टिंग करणाऱ्या Wave3 च्या महिला रिपोर्टरला एका अनोळखी व्यक्तीने किस केलं. अचानक समोरच्या व्यक्तीने किस केल्याने महिला रिपोर्टर गोंधळली, पण नंतर स्वत:ला सांभाळत तिने बुलेटिन पूर्ण केलं. त्यानंतर महिला रिपोर्टनरने त्या व्यक्तीची ओळख पटवून त्याच्या विरोधात गुन्हा दाखल केला. महिला रिपोर्टरने हा व्हिडीओ तिच्या ट्विटर हॅंडलवर शेअर केला आहे.
रिपोर्टरचं नाव सारा रिवेस्ट असं आहे. तिने ट्विट करत या घटनेवर टीका केली. या व्हिडीओत तुम्ही बघू शकता की, एक व्यक्ती हसत-हसत येते आणि रिपोर्टरला अचानक किस करतो. यावर सारा त्याला 'हे योग्य नाही' असं म्हणाली आणि तिने रिपोर्टिंग पूर्ण केलं.
रिपोर्टरला किस करणाऱ्या व्यक्तीचं नाव एरिक गुडमॅन आहे. त्याचा चेहरा जगासमोर आल्याने आता त्याने रिपोर्टरला माफीनामा पाठवला आहे. पण साराने त्याच्या विरोधात तक्रार केली आहे. साराने दुसऱ्या ट्विटमध्ये त्याचं नावही जाहीर केलं. तसेच त्याचा माफीनामा ती चॅनेलवरही वाचणार असल्याचे सांगितले होते.
Wave3 च्या वृत्तानुसार, माफीनाम्यानंतर साराने एरिकला माफ केलंय. साराला या गोष्टीचा आनंद आहे की, त्या व्यक्तीला चुकीची जाणीव झाली. एरिकला ६ नोव्हेंबरला दुपारी १ वाजता कोर्टात हजर रहावं लागणार आहे.