सध्या सोशल मीडियावर एका अपघाताचा व्हिडीओ व्हायरल होत आहे. हा व्हिडीओ अमेरिकेतील असून एखाद्या फिल्ममधील सिनप्रमाणेच अपघात झाला आहे. या व्हिडीओमध्ये एक गाडी गाडी रस्त्यावरून जात असताना अचानक पलटी झाली. गाडीचा ड्रायव्हर त्या गाडीतच अडकलेला होता. परंतु काही लोकांना प्रसंगावधान राखून गाडी सरळ करत ड्रायव्हरचा जीव वाचवला. या फिल्मी स्टाइल अपघाताचा एरियर व्ह्यू फार व्हायरल होत आहे. ट्विटरवर हा व्हिडीओ ABC न्यूजने शेअर केला आहे. त्यामध्ये तुम्ही पाहू शकता की, आम्ही या अपघाताला फिल्मी स्टाइल अपघात का म्हणत आहोत?
अपघात झाल्यानंतर आजूबाजूला उपस्थित असणाऱ्या काही लोकांनी धक्का देऊन गाडी सरळ केली आणि ड्रायव्हरला बाहेर काढलं. ड्राइवरचं नाव ऑरलेंडो हरनेनडेज सांगण्यात येत असून अपघातात तो किरकोळ जखमी झाल्याचं सांगण्यात येत आहे.
अपघाताच्या व्हिडीओला आतापर्यंत 22 लाखांपेक्षा जास्त व्ह्यूज मिळाले आहेत. तसेच 5 लाखांपेक्षा जास्त लाईक्स मिळाले आहेत. तसेच प्रसंगावधान राखून ड्रायव्हरचा जीव वाचवणाऱ्या लोकांचं ट्विटर यूजर्सकडून कौतुक करण्यात येत आहे.
एका ट्विटर यूजरने असं लिहिलं आहे की, 'हे लोक कोणताही पब्लिसिटी स्टंट करत नसून त्यांनी एका गरजू माणसाचा जीव वाचवला आहे. त्या ड्रायव्हरला मदतीची गरज होती आणि त्या लोकांनी त्याची मदत केली.'