नाशिक जिल्ह्यातील दिंडोरी तालुक्यातील वलखेड येथे बिबट्याने एका तीन वर्षांच्या चिमुरडीवर जीवघेणा हल्ला करत तिचा बळी घेतल्याची धक्कादायक घटना आज सायंकाळी घडली. ज्ञानेश्वरी विलास मोरे, असे या दुर्दैवी मुलीचे नाव आहे. या घटनेमुळे संपूर्ण परिसरात भीतीचे वातावरण पसरले असून, हळहळ व्यक्त केली जात आहे.
नेमके काय घडले?
प्राप्त माहितीनुसार, मूळचे कळंबरी (ता. पेठ) येथील रहिवासी असलेले विलास मोरे हे आपल्या कुटुंबासह वलखेड येथील त्र्यंबक बळवंत शिंदे यांच्या शेतात मजुरीचे काम करतात. मंगळवारी सायंकाळी ७ ते ७.३० च्या सुमारास ज्ञानेश्वरी शेतात असताना दबा धरून बसलेल्या बिबट्याने अचानक तिच्यावर झडप घातली आणि तिला उचलून नेले.
शोधकार्यानंतर मृतदेह आढळला
अचानक घडलेल्या या घटनेमुळे मजुरांच्या कुटुंबात एकच खळबळ उडाली. गावकऱ्यांनी आणि मजुरांनी तातडीने आरडाओरडा करत परिसराचा शोध घेण्यास सुरुवात केली. माहिती मिळताच दिंडोरी वनपरिक्षेत्राचे गस्त पथक आणि स्थानिक पोलीस तातडीने घटनास्थळी दाखल झाले. वनविभाग, पोलीस आणि ग्रामस्थांनी रात्रभर केलेल्या अथक शोधकार्यानंतर, घटनास्थळापासून सुमारे एक किलोमीटर अंतरावर असलेल्या रोशन संजय बोंबले यांच्या पेरूच्या बागेत ज्ञानेश्वरीचा मृतदेह मिळून आला. बिबट्याच्या या हिंस्र हल्ल्यात चिमुरडीचा मृत्यू झाल्याची अधिकृत माहिती वनविभागाने दिली आहे.
परिसरात दहशतीचे वातावरण
या घटनेनंतर वलखेड परिसरात बिबट्याची दहशत पसरली आहे. बिबट्याचा वावर शेती परिसरात वाढल्याने मजुरांमध्ये भीतीचे वातावरण आहे. वनविभागाने या परिसरात पिंजरा लावून नरभक्षक बिबट्याला तातडीने जेरबंद करावे, अशी मागणी संतप्त ग्रामस्थांनी केली आहे. घटनास्थळी मोठी गर्दी झाली असून, मृत चिमुरडीच्या कुटुंबियांवर दुःखाचा डोंगर कोसळला आहे.
Web Summary : A three-year-old girl was tragically killed by a leopard in Dindori, Nashik. The incident occurred in Valkhed village where the girl's family worked as laborers. After an extensive search, her body was found in a nearby orchard. The community is in shock and fear, demanding the leopard's capture.
Web Summary : दिंडोरी, नासिक में एक तेंदुए ने तीन साल की बच्ची को मार डाला। यह घटना वलखेड़ गांव में हुई जहाँ बच्ची का परिवार मजदूर के रूप में काम करता था। विस्तृत खोज के बाद, उसका शव पास के एक बाग में मिला। समुदाय सदमे और डर में है, तेंदुए को पकड़ने की मांग कर रहा है।