मलकापूर येथे विठ्ठलदेव सोसायटीत आयोजित या सोहळ्यास अॅस्ट्रॉलॉजिस्ट वृषाली दिनेश चव्हाण-पाटील, प्रिया कुलकर्णी, अर्चना चव्हाण, रोहिणी शेटेनावर, स्वाती जाधव, रेखा सरपोतदार, मोहिनी करंजकर, राधिका पन्हाळे, गौरवी पाटील, शरू बेनकर, अपर्णा खुरसाने, कोमल थोरात, विशाखा जाधव, माधुरी आडलिंगे आदींची प्रमुख उपस्थिती होती. सोसायटीत महिलांच्या ‘आऊसाहेब जिजाऊ’ ग्रुपच्या वतीने या कार्यक्रमाचे आयोजन करण्यात आले होते. शिवयंतीनिमित्त गुरुवारी सायंकाळपासूनच सोसायटीत शिवमय वातावरण तयार झाले होते. सोसायटीत सर्वत्र भगव्या पताका लावण्यात आल्या होत्या. तसेच भगवे ध्वजही लावण्यात आले होते. शुक्रवारी सकाळी सोसायटीत शिवकन्या शर्मिष्ठा चव्हाण हिच्या हस्ते शिवमूर्तीची विधिवत प्रतिष्ठापना करण्यात आली. त्यानंतर शिवपराक्रमाच्या ध्वनिफित लावण्यात आल्या. शिवमूर्तीला वंदन करण्यासाठी यावेळी सोसायटीतील नागरिक मोठ्या संख्येने उपस्थित होते.
सायंकाळी पाळणा गीत म्हणून शिवजन्मोत्सव साजरा करण्यात आला. त्याचीही जय्यत तयारी करण्यात आली होती. परिसर सुशोभित करण्यात आला होता. मोठ्या प्रमाणावर सजावट करण्यात आली होती. भगवे तोरण, भगव्या पताका तसेच भगव्या झेंड्यांमुळे सोसायटीत उत्साहाचे वातावरण निर्माण झाले होते. यावेळी आकर्षक रांगोळीही रेखाटण्यात आली होती.
- चौकट
चिमुकल्या शिवांशने जिंकली मने
शिवजन्मोत्सवाच्या माध्यमातून शिवरायांच्या पराक्रमाला उजाळा देत असतानाच विठ्ठलदेव हौसिंग सोसायटीत शिवांश या चिमुकल्याने उपस्थितांची मने जिंकली. शिवांशने दांडपट्ट्यासह मर्दानी खेळाचे सादरीकरण केले. दांडपट्टा सादर करताना शिवांशची चपळाई आणि हाताची लवचिकता पाहून अनेकजण थक्क झाले.
फोटो : २०केआरडी०४, ०५
कॅप्शन : मलकापूर येथील विठ्ठलदेव हौसिंग सोसायटीत शिवजन्मोत्सव सोहळा उत्साहात साजरा करण्यात आला. यावेळी महिलांनी फेर धरून पारंपरिक गीतांवर नृत्य सादर केले.