सांगली: संगीतकार, गीतकार पलाश मुच्छल पुन्हा एकदा चर्चेत आला आहे. भारतीय महिला क्रिकेटपट्टू स्मृती मानधना हिच्या बालमित्र विज्ञान प्रकाश माने (वय ३४, रा. शास्त्रीनगर, सांगली) यांनी त्यांच्याविरोधात जातीवाचक शिवीगाळ केल्याची तक्रार सांगली शहर पोलिस ठाण्यात दिली आहे. पोलिसांनी मुच्छल विरोधात ॲट्रासिटीच्या कलमाखाली गुन्हा दाखल केला आहे. हा प्रकार २२ नोव्हेंबर २०२५ रोजी घडला होता.
नोव्हेंबर महिन्यात सांगलीत क्रिकेटपट्टू स्मृती मानधना व संगीतकार पलाश मुच्छल यांचा विवाह सोहळा होता. पण तो काही कारणांनी रद्द झाला. हा विवाह मोडल्यानंतर पलाश चर्चेत आला होता. त्यानंतर स्मृती हिचा मित्र विज्ञान माने यांनी जानेवारी महिन्यात पलाशविरोधात फसवणुकीची तक्रार पोलिस अधिक्षकांकडे केली होती. आता पुन्हा माने यांनी त्यांच्याविरोधात जातीवाचक शिविगाळ केल्याची तक्रार केली आहे.
पोलिसांनी दिलेली माहिती अशी की, पलाश मुच्छल यांनी २०२५ साली फिर्यादी विज्ञान माने यांच्याशी संपर्क साधला होता. त्यांच्याकडून मुच्छल याने चित्रपट निर्मितीसाठी २५ लाख रुपये घेतले होते. दि. २२ नोव्हेंबर २०२५ रोजी सांगली ते आष्टा रस्त्यावरील टोल नाका परिसरात माने यांनी मुच्छल यांच्याकडे दिलेल्या २५ लाख रुपयांची मागणी केली. त्यावेळी मुच्छल यांनी माने यांना जातीवाचक शिवीगाळ केल्याचे फिर्यादीत म्हटले आहे. या तक्रारीनंतर शहर पोलिसांनी पलाशविरोधात अनुसूचित जाती व जमाती अधिनियम २०१२ चे कलम ३ (१), भारतीय न्याय संहिता कलम ३५१ (२), ३५२ अन्वये गुन्हा दाखल केला आहे.
Web Summary : Palash Muchhal faces atrocity charges in Sangli for allegedly using casteist slurs against Vignan Mane. Dispute arose over a 2.5 million rupee film investment. This follows a cancelled wedding with cricketer Smriti Mandhana and prior fraud allegations.
Web Summary : संगीतकार पलाश मुच्छल पर सांगली में अत्याचार का मामला दर्ज हुआ है, विज्ञान माने के खिलाफ कथित तौर पर जातिवादी गालियां देने के आरोप हैं। विवाद 25 लाख रुपये के फिल्म निवेश को लेकर हुआ। यह क्रिकेटर स्मृति मंधाना के साथ रद्द शादी और पहले के धोखाधड़ी के आरोपों के बाद है।