पुणे : भारताची जनगणना २०२७ चे पुणे महापालिका क्षेत्रातील कामकाज हे दोन टप्प्यात होणार असून घरांची यादी व घरांची गणना हे पहिल्या टप्प्याचे कामकाज दिनांक १ मे ते १४ जून या कालावधीत होणार आहे. यंदाच्या जनगणनेत नागरिकांना प्रथमच स्वगणनेचा पर्याय उपलब्ध करून देण्यात आला आहे. जास्तीत जास्त नागरिक यांनी स्वगणनेत दिनांक १ ते १५ मे या कालावधीत माहिती भरून जनगणनेसाठी सहकार्य करावे असे आवाहन पालिका प्रशासनाने केले आहे.
पुणे महापालिकेने https://Se.census.gov.in या स्वतंत्र पोर्टल ची निर्मिती केली आहे. महाराष्ट्रसाठी ते १ मे ते १५ मे कालावधी करता उपलब्ध राहील. नागरिकांना आपली माहिती स्वतः भरता येणार आहे. प्रथम नागरिक नोंदणी करून विचारलेल्या ३४ प्रश्नांची माहिती भरून ती सबमिट केल्यानंतर नागरिकांना स्वगणना होणार आहे. आयडी नागरिकांनी जतन करून ठेवावा १६ मे ते १४ जून या कालावधीत येणारे जनगणना अधिकारी अथवा प्रगणक यांना घरांना भेट देतेवेळी उपलब्ध करून देण्यात यावा. भारताची जनगणना ही जगातली सर्वोत्तम जनगणना पैकी एक असून तिला समृद्ध परंपरा लाभली आहे ती जगातील सर्वात मोठ्या उपक्रमापैकी एक आहे भारतात पहिली जनगणना १८७२ मध्ये करण्यात आली होती. ती देशाच्या वेगवेगळ्या विभागात वेगवेगळ्या वेळी करण्यात आली होती. १९८१ मध्ये संपूर्ण देशात एकाच वेळी जनगणना करण्यात आली . १९८१ पासून जनगणना ही दर १० वर्षांनी करण्यात येत असून २०२७ ची जनगणना ही या शृंखलेतील १६ वी जनगणना असून स्वातंत्र्यानंतरची ८ वी गणना आहे.जनगणना २०२७ या गणनेत प्रथमच मोबाईल ॲप व्दारे डिजिटल माध्यमातून माहिती संकलित करण्यात येणार आहे. प्रगणक त्यांना नेमून दिलेल्या गटातील प्रत्येक घरांना दिनांक १६ मे ते १४ जून या कालावधीत भेट देऊन माहिती संकलित करतील त्यांनी विचारलेल्या प्रश्नांना उत्तरे देऊन नागरिकांनी सहकार्य करावे. नागरिकांनी दिलेली माहिती पूर्णपणे गोपनीय असेल.
दुसऱ्या फेरीचे कामकाज हे फेब्रुवारी २०२७ मध्ये केले जाणार आहे. डिजिटलच्या युगात भारताच्या जनगणना संचालनालयाकडून नागरिकांना त्यांची पहिल्या टप्प्यातील घरयादी व घराची गणना संबंधित माहिती थेट ऑनलाईन माध्यमातून गोपनीयरित्या भरून भारताच्या आर्थिक विकासासाठी आवश्यक आकडेवारी देण्याचा पर्याय उपलब्ध करून दिला आहे. जास्तीत जास्त पुणेकर नागरिक यांनी स्वगणनेत दिनांक १ ते १५ मे या कालावधीत माहिती भरून जनगणनेसाठी सहकार्य करावे असे आवाहन प्रधान जनगणना अधिकारी तथा महापालिका आयुक्त नवल किशोर राम यांनी यांनी केले आहे.
Web Summary : Pune's 2027 census offers self-enumeration (May 1-15) via a new portal. Citizens register, answer 34 questions, and provide the ID to census officials visiting homes (May 16-June 14). This digital census ensures confidentiality and aids India's economic development.
Web Summary : पुणे की 2027 की जनगणना एक नए पोर्टल के माध्यम से स्व-गणना (1-15 मई) प्रदान करती है। नागरिक पंजीकरण करें, 34 प्रश्नों के उत्तर दें, और जनगणना अधिकारियों को आईडी प्रदान करें जो घरों का दौरा करते हैं (16 मई-14 जून)। यह डिजिटल जनगणना गोपनीयता सुनिश्चित करती है और भारत के आर्थिक विकास में सहायता करती है।