वडगाव आनंद : नळाच्या पाईपने पाणी भरण्यावरून झालेल्या घरगुती वादातून दोन नणंदांनी मिळून भावजयीला बेदम मारहाण केल्याची घटना बेल्हे साकुर फाटा (ता.जुन्नर) येथे घडली आहे. या मारहाणीत भावजयीचे डोके फुटले असून, त्या गंभीर जखमी झाल्या आहेत.
या प्रकरणी उषा सुनील गाडगे (वय ४४) यांनी आळेफाटा पोलिस ठाण्यात तक्रार दिली आहे. त्यांच्या फिर्यादीवरून नणंद मिराबाई अरुण कणसे (रा.बोटे, ता.संगमनेर) आणि सुनंदा धनराज गायकवाड (रा.बेल्हे) यांच्याविरुद्ध भारतीय न्यायसंहितेनुसार गुन्हा दाखल करण्यात आला आहे. १५ मे रोजी दुपारी दीडच्या सुमारास उषा गाडगे यांनी नणंदांना कपडे धुवायचे असतील, तर टाकीवर जाऊन धुवा, असे सांगितले. याचा राग आल्याने दोन्ही नणंदांनी त्यांना शिवीगाळ व दमदाटी केली.
वाद वाढल्याने मिराबाई यांनी उषा यांना ढकलून खाली पाडले, तर सुनंदा यांनी हातातील वीट डोक्यात मारून गंभीर दुखापत केली. पोलिस हवालदार गोसावी या प्रकरणाचा पुढील तपास करत आहेत.
Web Summary : A water dispute in Belhe Sakur Phata turned violent when two sisters-in-law assaulted their brother's wife. The victim sustained serious head injuries after being struck with a brick. Police have registered a case against the attackers following the incident on May 15th.
Web Summary : बेल्हे साकुर फाटा में पानी के विवाद ने हिंसक रूप ले लिया जब दो ननदों ने अपने भाई की पत्नी पर हमला कर दिया। ईंट से वार करने के बाद पीड़िता को गंभीर चोटें आईं। 15 मई को हुई घटना के बाद पुलिस ने हमलावरों के खिलाफ मामला दर्ज किया है।