सावधान! मुलांमध्ये 'ही' लक्षणं दिसत असतील तर वेळीच घ्या डॉक्टरांचा सल्ला

लहान मुलांच्या आरोग्याची उत्तम काळजी घेणं अत्यंत महत्त्वाचं असतं. सध्या मुलांमध्ये हिमोग्लोबिनची कमतरता दिसून येत आहे.

लहान मुलांमध्ये हिमोग्लोबिनची कमतरता असल्यास त्यांना अनेक समस्यांचा सामना करावा लागतो. त्यामुळे मुलांमध्ये 'ही' लक्षणं दिसत असतील तर वेळीच डॉक्टरांचा सल्ला घ्या.

भूक न लागणे

लहान मुलांची पचन क्षमता जास्त असते. त्यामुळे त्यांना जास्त भूक लागते. मात्र हिमोग्लोबिनची कमतरता असल्यास भूक लागत नाही.

सुस्ती येणं

मुलांना जास्त सुस्ती येत असेल तसेच कोणतेही काम न करता किंवा न खेळता हे थकून जात असतील तर हिमोग्लोबिनची कमतरता असते.

त्वचा पिवळी होते

शरिरातील हिमोग्लोबिनचे प्रमाण कमी झाले तर त्वचा पिवळी होते. त्यामुळे लहान मुलांच्या आहारात पौष्टिक घटकांचा समावेश करा.

चिडचिडेपणा

अनेकदा लहान मुलं छोट्या छोट्या गोष्टीवरून चिडतात. त्यामुळे त्यांची नीट काळजी घ्या.

उंची आणि वजन न वाढणे

हिमोग्लोबिनची कमी असल्यास लहान मुलांची उंची आणि वजन वाढत नाही.

लहान मुलांना मिनरल्स आणि व्हिटॅमिनयुक्त आहार दिल्यास ही हिमोग्लोबिनची कमतरता दूर करता येते. (टिप : वरील सर्व समस्या आम्ही केवळ माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येकाची शारीरिक क्षमता वेगवेगळी असते. त्यामुळे कोणताही उपाय करण्याआधी तज्ज्ञांचा सल्ला घेणं फायदेशीर ठरतं.)