- फैसल देशमुख
चारठाणा (जि. परभणी): जिंतूर तालुक्यातील चारठाणा येथे बुधवारी पहाटे संशयातून पतीने आपल्या पत्नीचा डोक्यात दगड घालून खून केल्याची घटना समोर आली आहे. सुमित्रा श्रीधर गायकवाड (वय ३८) असे मृत महिलेचे नाव असून, या घटनेमुळे संपूर्ण परिसरात भीतीचे आणि खळबळीचे वातावरण निर्माण झाले आहे.
असा घडला थरार
मिळालेल्या माहितीनुसार, आरोपी श्रीधर गायकवाड याने बुधवारी पहाटे सव्वापाच वाजेच्या सुमारास पत्नी सुमित्रा हिला दुचाकीवर बसवून जिंतूर-जालना महामार्गालगत असलेल्या आपल्या शेतातील आखाड्यावर नेले. तेथे पोहोचल्यावर त्याने प्रथम काठीने तिला मारहाण केली आणि त्यानंतर रागाच्या भरात डोक्यात मोठा दगड घालून तिचा जागीच खून केला.
स्वतःच पोलीस ठाणे गाठले
कृत्य केल्यानंतर आरोपीने पळून न जाता थेट चारठाणा पोलीस ठाणे गाठले आणि तेथे संपूर्ण प्रकार सांगून गुन्ह्याची कबुली दिली. सहायक पोलीस निरीक्षक मुंजाजी दळवे आणि बीट जमादार उद्धव माने, उद्धव सातपुते तसेच गुप्तचर विभागाचे उमेश बारहाते घटनास्थळी धाव घेऊन पंचनामा केला. मृतदेह उत्तरीय तपासणीसाठी जिंतूर येथील ग्रामीण रुग्णालयात पाठवण्यात आला आहे.
Web Summary : In Charthana, a husband, श्रीधर गायकवाड, brutally murdered his wife, सुमित्रा गायकवाड, suspecting her character. He confessed to the crime at the police station after killing her with a stone in his field. Police are investigating.
Web Summary : परभणी के चारठाना में, एक पति, श्रीधर गायकवाड, ने चरित्र पर शक के चलते अपनी पत्नी, सुमित्रा गायकवाड, की बेरहमी से हत्या कर दी। उसने खेत में पत्थर से मारकर हत्या करने के बाद पुलिस स्टेशन में अपराध कबूल कर लिया। पुलिस जांच कर रही है।