बंगळुरु : जकर्ता (इंडोनिशिया) येथे सुरु असलेल्या ४थ्या आशिया अजिंक्यपद बास्केटबॉल स्पर्धेत भारताला इराक विरुध्द ६९-९० असे पराभूत व्हावे लागले. पहिल्या तीन क्वार्टरमध्ये निराशाजनक कामगिरी राहिल्यानंतर कर्णधार पी. बालधनेश्वर, आक्रमक अंकित जोशी आणि मध्यरक्षक आदर्श जयकुमार यांनी धडाकेबाज खेळ करुन इराकवर २५-१५ असे वर्चस्व राखले. मात्र तोपर्यंत फार उशीर झाला होता. पहिल्या तीन क्वार्टरमध्ये घेतलेली आघाडी इराकने निर्णायक ठरवत बाजी मारली. कर्णधार बालधनेश्वर आणि अंकित यांनी अनुक्रमे २६ व २४ गुणांची कमाई करुन अपयशी लढत दिली. त्याचवेळी इराककडून अब्दुल्लाहने सर्वाधिक ३९ गुण घेताना एकहाती वर्चस्व राखले. २ नोव्हेंबरला भारत स्पर्धेतील १३व्या आणि १४व्या स्थानासाठी हाँगकाँग आणि बांगलादेश यांच्यातील विजेत्याविरुध्द खेळेल.
{{#config.logo.enabled}}
{{/allowed}}