सचिनसोबत चित्रपट पाहणे सन्मान : गीता

प्रसिद्ध मल्ल गीता फोगाट हिने दिग्गज क्रिकेटर सचिन तेंडुलकर आणि अभिनेता आमिर खान यांच्यासोबत ‘दंगल’ चित्रपट पाहणे हा मोठा सन्मान

नवी दिल्ली : प्रसिद्ध मल्ल गीता फोगाट हिने दिग्गज क्रिकेटर सचिन तेंडुलकर आणि अभिनेता आमिर खान यांच्यासोबत ‘दंगल’ चित्रपट पाहणे हा मोठा सन्मान असल्याचे गीता हिने म्हटले आहे. फोगाट परिवारावर बनलेल्या या चित्रपटाचे विशेष स्क्रिनिंग मुंबईत करण्यात आले होते. यावेळी गीता, तिची लहान बहीण बबिता यांच्यासह अनेक मान्यवर उपस्थित होते. सचिन तेंडुलकरही या चित्रपटाच्या शोसाठी आला होता.
२०१० च्या राष्ट्रकुल खेळातील चॅम्पियन गीता म्हणाली की, ‘‘आमच्या परिवारावर बायोपिक बनणे ही मोठी गर्वाची बाब आहे. ’’ तसेच गीताने आमिर खान याला चित्रपटाच्या यशासाठी शुभेच्छा दिल्या.
बबिताला आशा आहे की, ‘‘यामुळे देशातील महिला कुस्तीला प्रोत्साहन मिळेल. तसेच खेळाला सामान्य जनतेशी जोडण्यासाठी या चित्रपटाद्वारे मोठे काम होईल.’’
महावीरसिंह फोगट म्हणाले की, ‘‘आमिरने त्यांची भूमिका अतिशय उत्तमरीत्या वठवली आहे. जसे ते वास्तवात आहेत.’’