ऑनलाइन लोकमत
नवी दिल्ली, दि. २ - भारताचा प्रसिद्ध क्रिकेटपटू दिनेश कार्तिकचे क्रिकेटबरोबरच खासगी आयुष्यही प्रसारमाध्यमांमध्ये चर्चेत राहिले. स्क्वॅशपटू दीपिका पल्लीकल बरोबरच्या त्याचे प्रेम प्रकरण माध्यमांमध्ये चांगलेच गाजले. दिनेशच्या आयुष्यात अशी आणखी एक खासगी बाब आहे जी फार कमी जणांना माहित आहे.
दिनेशने पहिली पत्नी निकितापासून का घटस्फोट घेतला ? या घटस्फोटाला काय कारण होते ? आणि निकिताने घटस्फोटानंतर कुठल्या आंतरराष्ट्रीय क्रिकेटपटूसोबत संसार थाटला हे फार कमी जणांना माहित आहे. दिनेश कार्तिकने २००४ मध्ये भारतीय संघात पदार्पण केले. या दरम्यान त्याचे बालपणीची मैत्रिण निकिताबरोबर प्रेम प्रकरण सुरु होते.
ब-याच वर्षाच्या प्रेमसंबंधांनंतर त्यांनी २००७ मध्ये लग्न केले. पण त्यांचा संसार पाचच वर्ष टिकला. २०१२ मध्ये दोघे विभक्त झाले. दिनेश आणि निकितामध्ये दुराव्याचे कारण होता मुरली विजय. भारताच्या कसोटी संघाचा सलामीवीर मुरली विजयबरोबर निकिताची जवळीक त्यावेळी वाढली होती.
आयपीएलच्या पाचव्या मोसमात २०१२ मध्ये दिनेश कार्तिकला निकिता आणि मुरली विजयच्या प्रेमसंबंधांबद्दल समजल्यानंतर त्याने निकिताला घटस्फोट दिला. घटस्फोट घेताच निकिताने मुरली विजयबरोबर लग्न केले. त्यानंतर २०१३ मध्ये एका कार्यक्रमामध्ये दिनेश आणि दिपिकाची ओळख झाली. ओळखीचे रुपांतर पुढे प्रेमात झाले आणि दोघांनी २०१५ मध्ये लग्न केले.