Latest National News | National Marathi News | Latest National News in Marathi | राष्ट्रीय: ताज्या मराठी बातम्या

बंगळुरूमध्ये एका मॅट्रिमोनिअल वेबसाईटच्या माध्यमातून फसवणुकीची एक धक्कादायक घटना समोर आली आहे. करोडपती बिझनेसमन आहे असं सांगणाऱ्या विजय राज गौडा नावाच्या व्यक्तीने २९ वर्षीय सॉफ्टवेअर इंजिनिअर नव्या श्री हिची लग्नाचं आमिष दाखवून १.५३ कोटी रुपयांची फसवणूक केली. आरोपी विजय राज गौडा हा आधीच विवाहित आहे. त्याने केवळ लग्नाचं आमिष दाखवून पीडिता आणि तिच्या कुटुंबाकडून मोठी रक्कम उकळली. त्याने आपल्या पत्नीला आणि वडिलांना या संपूर्ण कटात सामील करून घेतले.मार्च २०२४ मध्ये, व्हाईटफिल्ड येथील रहिवासी असलेल्या नव्या श्रीची ओळख 'ओक्कालिगा' या वेबसाईटच्या माध्यमातून विजय राज गौडा उर्फ विजय बी याच्याशी झाली. विजयने स्वतःला 'व्हीआरजी एंटरप्राइजेस'चा मालक असल्याचं सांगितलं. तसेच बंगळुरूच्या राजाजीनगर आणि सदाशिवनगर भागात आपले क्रशर, लॉरी, जमीन आणि निवासी मालमत्ता असल्याचं भासवलं.नव्याचा विश्वास संपादन केला२०१९ च्या ईडी प्रकरणाशी संबंधित जामीन आदेशाची एक प्रतही दाखवली आणि आपल्याकडे ७१५ कोटी रुपयांची मालमत्ता असल्याचा दावा करून नव्याचा विश्वास संपादन केला. त्यानंतर त्याने नव्या श्रीच्या कुटुंबाला आपल्या व्यवसायात लाखो रुपये गुंतवणूक करण्यास भाग पाडले आणि त्यांच्याकडून कर्जही घेतले. बँक खात्यात तांत्रिक अडचण असल्याचं कारण सांगून विजयने ४ एप्रिल रोजी नव्याकडून १५,००० रुपये उसने घेतले. त्यानंतर, त्याने नव्याला एकत्र व्यवसाय करण्याच्या नावाखाली मित्रांकडून कर्ज घेण्यास आणि पैसे उधार घेण्यास तयार केलं.कुटुंबाचीही करून दिली ओळख विजयने केंगेरी मेट्रो स्टेशनवर आपल्या कुटुंबाची ओळख करून दिली. यामध्ये त्याचे वडील कृष्णप्पा बी गौडा, बहीण सुशीदीपा के गौडा उर्फ सौम्या आणि आई नेत्रावती के गौडा यांचा समावेश होता. विशेष म्हणजे, त्याने आपल्या पत्नीची ओळख 'बहीण' म्हणून करून दिली. त्याच्या वडिलांनी आपण निवृत्त तहसीलदार असल्याचं सांगितलं आणि 'व्हीआरजी एंटरप्राइजेस'चे चेक देऊन पेमेंटची खात्री दिली.असं समजलं सत्यएफआयआरनुसार (FIR), विजयने नव्याच्या मित्रांनाही गुंतवणुकीसाठी प्रोत्साहित केलं, ज्यातून त्यांनी ६६ लाख आणि २३ लाख रुपये गुंतवले. डिसेंबर २०२४ ते फेब्रुवारी २०२५ दरम्यान, नव्याच्या वडिलांनी १०.५ लाख रुपये आणि तिच्या आईने आपल्या निवृत्ती निधीतील १८ लाख रुपये दिले. जेव्हा नव्या कर्जाचे पैसे परत मागण्यासाठी विजयच्या घरी गेली, तेव्हा तिला सत्य समजलं.नणंदच होती पत्नीविजय हा आधीच विवाहित असल्याचं तिला कळलं. ज्या मुलीला ती आपली 'नणंद' समजत होती, ती प्रत्यक्षात तिच्या होणाऱ्या पतीची पत्नी निघाली. आरोपी विजयच्या पत्नीसह त्याचे संपूर्ण कुटुंब या वैवाहिक आणि गुंतवणूक फसवणुकीत सामील होतं. सध्या विजय, त्याचे वडील आणि पत्नी यांच्याविरुद्ध फसवणूक, गुन्हेगारी कट रचणं आणि धमकावल्याप्रकरणी गुन्हा दाखल करण्यात आला असून पुढील तपास सुरू आहे.

National (Marathi News)

Karnataka Crime: दारुत नारळपाणी टाकण्यासाठी विनोदला जबरदस्तीने झाडावर चढवले. ...

Tamilnadu Assembly Election 2026: आगामी मे महिन्यात तामिळनाडू विधानसभेच्या निवडणुका होत आहेत. ...

Kerala Assembly Election : दक्षिणेत भाजपची कसोटी! विनोद तावडे बिहारप्रमाणे 'या' राज्यात कमळ फुलवण्यात यशस्वी होतील? ...

पत्नीने आपल्या गर्लफ्रेंडसोबत मिळून पतीला संपवण्याचा कट रचला. ...