National (Marathi News)

ओडिशामध्ये एक हैराण करणारी घटना समोर आली आहे. इंटेलिजन्स ब्युरो (IB) अधिकारी म्हणवून तब्बल ४९ महिलांना लग्नाचे आश्वासन देणाऱ्या एका व्यक्तीला पोलिसांनी अटक केली आहे. या व्यक्तीचे महिलांशी प्रेमसंबंध होते. तो त्यांना आपल्या जाळ्यात अडकवायचा. त्याचं यापूर्वी पाच वेळा लग्न झालं आहे. सत्यजित मनगोविंद सामल (३६) असं या आरोपीचं नाव आहे. मॅट्रिमोनिअल साइट्सच्या माध्यमातून तो महिलांना टार्गेट करायचा.काही दिवसांपासून फसवणुकीच्या तक्रारी येत असल्याचं पोलीस अधिकाऱ्यांनी सांगितलं. त्याची चौकशी केली असता अनेक अँगल समोर आले. एकाच पुरुषाने लग्नानंतर आपली फसवणूक करून लाखोंची फसवणूक केल्याचा दावा करणाऱ्या दोन महिला सापडल्या. त्यानंतर या प्रकरणाचे गांभीर्य ओळखून पोलिसांनी मोठ्या प्रमाणावर तपास सुरू केला.या चोरट्याला पकडण्यासाठी पोलिसांनी सापळा रचला. यासाठी एका महिला पोलीस अधिकाऱ्याची मदत घेण्यात आली. या ऑपरेशनला 'दुल्हे राजा' असं नाव देण्यात आलं. महिला पोलीस अधिकाऱ्याने मॅट्रिमोनिअल साइटवर तिचं प्रोफाइल तयार केलं. मग तिने सत्यजितला आपल्या जाळ्यात अडकवलं. दोघांमध्ये लग्नाबाबत चर्चा झाली होती. यानंतर महिलेने त्याला भेटण्यासाठी बोलावलं. सत्यजीत तेथे येताच शेजारी उपस्थित असलेल्या पोलीस पथकाने त्याला पकडलं.पोलिसांनी कसून चौकशी केली असता, सत्यजीतने सांगितलं की, तो जाजपूरचा रहिवासी आहे, पण नंतर भुवनेश्वरला शिफ्ट झाला. तो घटस्फोटित आणि विधवा महिलांचा मॅट्रिमोनिअर वेबसाईट्सवर शोध घेत असे. स्वत:ला मोठा अधिकारी सांगून त्यांची फसवणूक करायचा. त्यानंतर तो लग्नाचं वचन द्यायचा. महिलांशी शारीरिक संबंध ठेवल्याचंही त्याने कबूल केलं. आधी तो महिलांना महागड्या भेटवस्तू द्यायचा जेणेकरून त्यांचा विश्वास जिंकता येईल आणि नंतर कोणत्या ना कोणत्या कारणाने तो त्यांच्याकडून पैसे उकळायचा. पोलीस चौकशीत सत्यजीतने सांगितलं की, एका बारमध्ये फसवणूक करून तो दुबईला पळून जायचा. दुबईत थांबल्यानंतर तो तेथून दुसरी महिला शोधायचा. ती त्याच्या प्रेमाच्या जाळ्यात अडकल्यानंतर भारतात यायचा. पोलिस अधिकाऱ्यांनी दिलेल्या माहितीनुसार, पश्चिम बंगाल, दिल्ली, ओडिशा, उत्तर प्रदेश, हरियाणा, पंजाब, राजस्थान यासह अनेक राज्यांतील महिला त्याच्या टार्गेटवर होत्या.

National (Marathi News)

काँग्रेस खासदार रणदीप सुरजेवाला आणि सभापती जगदीप धनखड यांच्यात कोणत्या गोष्टीवरुन वाद झाला? पाहा video... ...

shashi tharoor on wakf act : सामाजिक वातावरण बिघडू नये अशी आमची इच्छा आहे, असे शशी थरूर यांनी म्हटले आहे. ...

कथित मद्य घोटाळ्याशी संबंधित मनी लाँड्रिंग प्रकरणात सीएम केजरीवाल यांना उच्च न्यायालयाने झटका दिला. ...

सुप्रीम कोर्टाच्या न्यायाधीश बी.व्ही. नागरत्ना यांनी देशातील राज्यपालांच्या भूमिकेबाबत सवाल विचारला आहे. ...

दिल्ली महापालिकेतील उप राज्यपाल नियुक्त सदस्याच्या नेमणुकीला विरोध करणाऱ्या आप सरकारला मोठा धक्का बसला आहे. ...