त्रिवेंद्रम-हजरत निजामुद्दीन राजधानी एक्स्प्रेस (१२४३१) ला रविवारी पहाटे मध्य प्रदेशमधील रतलाम जिल्ह्यातील अलोर परिसरात अचानक आग लागली. आगीमुळे ट्रेनमध्ये भीती आणि गोंधळाचं वातावरण निर्माण झालं. दिल्लीकडे जात असलेल्या या ट्रेनला पहाटे ५.३०च्या सुमारास लुणी-रीछा आणि विक्रमगडदरम्यान आग लागली. ही आग एसी कोच बी-१ मध्ये लागली आणि बघता इतर दोन डब्यांमध्येही ही आग पसरली.
६८ प्रवाशांना सुखरूपपणे बाहेर काढण्यात यश
आग लागल्यानंतर ट्रेनमधील हूटर वाजू लागताच प्रवाशांमध्ये खळबळ उडाली. मात्र तातडीने बचावर कार्य करून दुर्घटनाग्रस्त डब्यांमधून सर्व ६८ प्रवाशांना सुखरूपपणे बाहेर काढण्यात आले. त्यामुळे मोठी दुर्घटना टळली. या दुर्घटनेबाबत मिळालेल्या प्राथमिक माहितीनुसार या अपघातात कुठल्याही प्रकारची जीवितहानी झालेली नाही. खबरदारीचा उपाय म्हणून दिल्लीहून मुंबईकडे जाणाऱ्या रेल्वेमार्गावरील वाहतूक काही काळ थांबवण्यात आली.
त्वरित मदत आणि बचाव कार्याला सुरुवात
अपघाताची माहिती मिळताच रेल्वे प्रशासनाकडून त्वरित मदत आणि बचाव कार्याला सुरुवात करण्यात आली. ही दुर्घटना झाली ते ठिकाण राजस्थानमधील कोटा रेल्वे मंडळाच्या अधिकार क्षेत्रात येते. मात्र रतलाम मंडळ मुख्यालय जवळ असल्याने रतलाम रेल्वे मंडळाचे व्यवस्थापक अश्विनी कुमार हे देखील घटनास्थळी दाखल झाले आहेत. दरम्यान, आग लागण्यामागचं कारण अद्याप समजू शकलेलं नाही.
Web Summary : A fire broke out on the Trivandrum-Hazrat Nizamuddin Rajdhani Express in Madhya Pradesh. All 68 passengers were safely evacuated. Rail traffic was temporarily halted as a precaution. The cause of the fire is under investigation.
Web Summary : मध्य प्रदेश में त्रिवेंद्रम-हजरत निजामुद्दीन राजधानी एक्सप्रेस में आग लग गई। सभी 68 यात्रियों को सुरक्षित निकाला गया। एहतियात के तौर पर रेल यातायात अस्थायी रूप से रोक दिया गया। आग लगने के कारणों की जांच जारी है।