Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

नागपूर : गुन्हे शाखेच्या युनिट क्रमांक तीनच्या लाकडीपूल येथील पोलिस चौकीत पत्ते खेळणाऱ्या तीनही पोलिस कर्मचाऱ्यांना निलंबित करण्यात आले आहे. शहरातील गुन्हेगारी कारवायांमुळे अगोदरच नागपूर पोलिसांच्या कार्यप्रणालीवर प्रश्नचिन्ह उपस्थित करण्यात येत आहे. त्यातच पत्त्यांचा व्हिडीओ व्हायरल झाल्यामुळे पोलिस विभागाची प्रतिमा आणखी खराब झाली आहे. पोलिस आयुक्तांच्या निर्देशानंतर या कर्मचाऱ्यांवर कारवाई करण्यात आली. आनंद काळे, फिरोज शेख व रवी करदाते अशी या कर्मचाऱ्यांची नावे आहे.लाकडीपूल येथील गुन्हे शाखेच्या युनिट क्रमांक तीनच्या पोलिस चौकीत हा प्रकार पहायला मिळाला. दुपारी १२ वाजल्यापासून चौकीच्या मागील भागात बांधलेल्या टीन शेडखाली तीन पोलिस कर्मचारी टेबलावर पत्ते खेळू लागले. याची माहिती बाहेरच्या काही लोकांना मिळाली. या कर्मचाऱ्यांचा व्हिडीओ काढण्यात आला व तो व्हायरल झाला. पोलिस उपायुक्त मुमक्का सुदर्शन यांनी या कर्मचाऱ्यांना चांगलेच खडसावले. पोलिस आयुक्तांच्या निर्देशानंतर त्यांच्यावर निलंबनाची कारवाई करण्यात आली.दरम्यान, वाहतूक पोलिसांचे डोके फोडणाऱ्या लकडगंज पोलिस ठाण्यातील मद्यधुंद पोलिस हवालदारावरदेखील निलंबनाची कारवाई करण्यात आली आहे. आदित्य ठाकूर हा लकडगंज पोलिस ठाण्यात बीट मार्शल होता. सक्करदरा ट्रॅफिक झोनमध्ये तैनात हर्षद वासनिक हे शनिवारी रात्री भांडे प्लॉट येथे नाकाबंदीवर होते. पहाटे ३ वाजता वासनिक ड्यूटी आटोपून दुचाकीवरून घरी परतत होते. मद्यधुंद अवस्थेत आदित्यने वासनिक यांना मारहाण केली. वासनिक यांच्या तक्रारीवरून ठाकूरविरुद्ध मारहाणीचा गुन्हा दाखल करण्यात आला आहे. या प्रकाराची गंभीर दखल घेत झोन तीनचे उपायुक्त गोरख भामरे यांनी आदित्य ठाकूरला निलंबित करण्याचे निर्देश दिले.

Nagpur (Marathi News)

देशाचे रक्षण करणाऱ्या सैनिकांप्रती सन्मान म्हणून हातात ज्योत घेवून ही शपथ घेण्यात आली ...

कामाच्या ठिकाणी महिलांचा छळ अधिनियम २०१३ संदर्भात आढावा बैठकीचे आयोजन ...

या अभियानांतर्गत जनजागरण सभा घेऊन स्वाक्षरी अभियान सुरू ...

गाडीसमोर आलेल्या कुत्र्याला हड हड करण्यावरून वाद : अल्पवयीनासह गुंडाने केली हत्या ...

नंदनवन पोलीस ठाण्याच्या हद्दीतील घटना ...

परिसरात पोलिसांचा चोख बंदोबस्त : आंदोलनकर्त्यांना पोलिसांनी घेतलं ताब्यात ...

मागील आठवड्यात सिताबर्डी पोलीस ठाण्यातदेखील अशाच प्रकारे फोन करण्यात आला होता ...

अज्ञात आरोपींविरोधात गुन्हा दाखल ...

गिट्टीखदानच्या माजी एपीआयच्या बनावट आयडीचा वापर : घरगुती वस्तू विकण्याच्या नावाखाली फसवणूक ...

वाहतूक पोलिसावर हल्ला करणारा मद्यधुंद कर्मचारीदेखील निलंबित ...