कांदा, बटाटा जीवनावश्यक वस्तूंच्या यादीत

रोजच्या जेवनात हवा असणा-या कांद्याचा लवकरच जीवनावश्यक वस्तूंच्या यादीत समावेश करण्यात येणार आहे.

 ऑनलाइन टीम 

नवी दिल्ली, दि. २ - रोजच्या जेवनात हवा असणा-या कांद्याचा लवकरच जीवनावश्यक वस्तूंच्या यादीत समावेश करण्यात येणार आहे. कांद्यापाठोपा बटाट्यांचाही समावेश करण्यात येणार असल्याचे केंद्र सरकारने ठरवले आहे. 

बुधवारी दिल्लीत केंद्रीय मंत्रीमंडळाची बैठक पार पडली. या बैठकीत हा निर्णय घेण्यात आला आहे. प्रत्येक भाजीत हवा असणारा कांदा जीवनावश्यक बनला असल्याने कांदा आणि बटाटा यांचा जीवनावश्यक वस्तूत समावेश करणे गरजेचे असल्याचे मत केंद्रीय मंत्र्यांने व्यक्त केले. ज्या भागात कांदा, बटाट्यांचा साठा करण्यात येईल त्या साठेबाजारावर कारवाई करण्यात येणार असून तशा सूचना केंद्र सरकारने राज्य सरकारला दिल्या असल्याची माहितीही केंद्र सरकारने आज पत्रकारांशी बोलताना दिली. महागाईला आळा घालण्यासाठी केंद्र सरकार सर्व प्रकारे प्रयत्न करणार असल्याचे रवी शंकर प्रसाद यांनी सांगितले. ५० लाख टन अतिरिक्त तांदळाचे राज्य सरकारला वाटप करण्यात येणार असल्याचेही प्रसाद म्हणाले.