Master Stroke to Master mind हा प्रवास थक्क करणारा आहे; मनसेचा टोला
By ऑनलाइन लोकमत | Published: April 8, 2021 10:29 AM2021-04-08T10:29:42+5:302021-04-08T10:32:00+5:30
Sachin Vaze Letter: भाजपसह मनसे आणि अन्य पक्षांनी ठाकरे सरकारवर जोरदार टीकास्त्र सोडले आहे.
Master Stroke to Master mind हा प्रवास थक्क करणारा आहे; मनसेचा टोला
मुंबई: मनसुख हिरेन हत्याप्रकरणी निलंबित पोलीस अधिकारी सचिन वाझेंची (Sachin Vaze) NIA कडून चौकशी सुरू आहे. तत्कालीन गृहमंत्री अनिल देशमुखांनी (Anil Deshmukh) आपल्याकडे २ कोटींची मागणी केली होती. तसेच राज्याचे परिवहन मंत्री आणि शिवसेना नेते अनिल परब यांनी कायदा भंग करणाऱ्या कंत्राटदारांकडून ५० कोटींची वसुली करण्यास सांगितले होते, असा खळबळजनक दावा सचिन वाझेंनी आपल्या पत्रात (Sachin Vaze Letter) केला आहे. यावरून भाजपसह मनसे आणि अन्य पक्षांनी ठाकरे सरकारवर जोरदार टीकास्त्र सोडले आहे. मास्टर स्ट्रोक ते मास्टर माइंड हा प्रवास थक्क करणारा आहे, असा खोचक टोला मनसेकडून लगावण्यात आला आहे. (sandeep deshpande criticised anil parab over sachin vaze letter)
मनसे नेते संदीप देशपांडे यांनी एक ट्विट करत अनिल परब यांच्यावर निशाणा साधला आहे. Master Stroke to Master mind हा प्रवास थक्क करणारा आहे" Advocate"साहेब शपथेवर खोट बोलणं हा गुन्हा आहे हे आपल्याला माहित असेल ही अपेक्षा, असे ट्विट संदीप देशपांडे यांनी केले आहे. यापूर्वीही संदीप देशपांडे यांनी ठाकरे सरकारवर विविध मुद्द्यांवरून टीकास्त्र सोडले होते.
Master Stroke to Master mind हा प्रवास थक्क करणारा आहे" Advocate"साहेब शपथेवर खोट बोलणं हा गुन्हा आहे हे आपल्याला माहित असेल ही अपेक्षा
— Sandeep Deshpande (@SandeepDadarMNS) April 8, 2021
वकील साहब की तो कल लग गयी
ओ परिवार मंत्री.. शपथ काय घेता.. शेंबूड पुसा.. राजीनामा द्या आणि चौकशीला सामोरे जा.. पुरावे तयार आहेत.. आता वस्त्रहरण अटळ आहे, असा हल्लाबोल करत मी विचार करत होतो… मला शहरातली सर्वांत एलिजिबल आणि उच्चशिक्षित बॅचलरकडून अजूनही मानहानीची नोटीस येणार का? आतुरतेने वाट पाहतोय. वकील साहेबांची तर काल लागली… आता नोटीस कोण बनवणार?, अशी खोचक विचारणा नितेश राणे यांनी ट्विटवरून केली आहे.
Sachin Vaze Letter: “ओ परिवार मंत्री... शपथ काय घेता, राजीनामा द्या आणि चौकशीला सामोरे जा”
दरम्यान, अनिल परब यांनी सचिन वाझे यांनी केलेले सर्व आरोप फेटाळून लावले आहेत. दोन मुलींची शपथ घेतो, बाळासाहेबांची शपथ घेऊन सांगतो, माझ्यावरील आरोप खोटे आहेत. मला बदनाम करण्याचा हा प्रयत्न आहे. भाजपचे नेते दोन तीन दिवस आरडा ओरड करत होते. आणखी एक बळी घेऊ म्हणत होते. मी कधीही वाझेंना अशा प्रकारच्या वसुलीचे आदेश दिले नव्हते, असे अनिल परब यांनी म्हटले आहे.
