ऑनलाइन टीम
पुणे, दि. २८ - अन्न आणि औषध प्रशासनाने (एफडीए) औषध दुकानदारांवर सुरु केलेल्या कारवाईच्या निषेधार्थ केमिस्ट असोसिएशनने पुकारलेला बंद अखेर मागे घेतला आहे. केमिस्ट्सच्या मागण्या मान्य करण्यात आल्याने गेल्या तीन दिवसांपासून सुरू असलेला हा संप अखेर आज मागे घेण्यात आला आहे.
फार्मासिस्ट नसलेल्या दुकानांवर एफडीएकडून करण्यात येत असलेली कारवाई थांबवावी या मागणीसाठी गुरुवारी केमिस्ट असोसिएशनने गुरुवारी एफडीएच्या कार्यालयावर मोर्चा काढला होता. या वेळी कारवाई करताना कोणती काळजी घ्यावी यासाठी अधिकारी व कर्मचा:यांची समिती स्थापन करण्याचे निश्चित करण्यात आले. त्या नंतर असोसिएशनने बंद मागे घेतला. मात्र दुपारी असोसिएशनच्या पदाधिका:यांच्या दुकानांची तपासणी करण्यासाठी एफडीएच्या अधिका:यांचे पथक पोचल्याचे वृत्त औषध दुकानदारांमध्ये पसरले. त्यानंतर शुक्रवार पेठेतील असोसिएशनच्या कार्यालयात औषध दुकानदारांनी गर्दी करीत बंद सुरु ठेवण्याची मागणी केली. या नाटय़मय घडामोडीनंतर असोसिएशनने सायंकाळी बेमुदत बंदची घोषणा करण्यात आली होती. त्यामुळे सुमारे ७ हजडार मेडिकल शॉप्स बंद होती व रुग्णांचेही हाल होत होते. अखेर आज हा संप मागे घेण्यात आला व सर्वांनी सुटकेचा नि:श्वास टाकला.