Latest Marathi News

हैदराबाद : पश्चिम आशियातील युद्धामुळे जगभरात कच्च्या तेलाच्या किमती भडकल्या असताना पंतप्रधान नरेंद्र मोदी यांनी रविवारी देशवासीयांना पेट्रोल, डिझेलसह इंधनबचतीचे आवाहन केले. 'वर्क फ्रॉम होम', ऑनलाइन बैठका, व्हिडीओ कॉन्फरन्सिंग या पद्धती पुन्हा सुरू करा. पेट्रोल-डिझेलची बचत करणे ही राष्ट्रीय गरज आहे, असे सांगताना त्यांनी लग्नासाठी वर्षभर सोने खरेदी टाळण्याचाही सल्ला दिला आहे.हैदराबाद येथील एका जाहीर सभेत बोलताना मोदींनी जागतिक परिस्थितीचे गांभीर्य मांडले. पुन्हा वर्क फ्रॉम होम सुरु करण्याची वेळ आलीये -मोदीते म्हणाले, 'जगातील पुरवठा साखळी विस्कळीत झाली असून कच्च्या तेलाचे दर गगनाला भिडले आहेत. कोरोनाकाळात आपण ऑनलाइन बैठका आणि 'वर्क फ्रॉम होम'ची सवय लावून घेतली होती. आता देशहितासाठी ती पद्धत पुन्हा अमलात आणण्याची वेळ आली आहे. यामुळे इंधनाचीच बचत होणार नाही, तर देशाचे कोट्यवधींचे परकीय चलनही वाचेल.'युद्धामुळे कच्च्या तेलाच्या किमतीत मोठी उसळी आल्याने सरकारी तेल कंपन्यांना प्रचंड आर्थिक फटका बसत आहे. सध्या या कंपन्यांना दररोज सुमारे १,६०० ते १,७०० कोटी रुपयांचा तोटा सहन करावा लागत आहे.रोज एक टक्का पेट्रोल-डिझेल वाचवा, देशाच्या अर्थव्यवस्थेला लागेल १४,८०० कोटी रुपयांचा हातभारजर प्रत्येक नागरिकाने दररोज केवळ १ टक्का इंधन वाचवण्याचा संकल्प केला, तर भारत सरकारचे दरवर्षी तब्बल १४,८१९ कोटी रुपये वाचू शकतात. सध्या भारतात दररोज सुमारे १३.७ कोटी लिटर पेट्रोल आणि २९.४ कोटी लिटर डिझेल वापरले जाते. यामध्ये दुचाकी आणि मालवाहतूक करणाऱ्या ट्रक्सचा वाटा सर्वाधिक आहे. जर आपण दररोज केवळ १% इंधन वाचवले, तर दररोज १३.७ लाख लिटर पेट्रोलची बचत होईल. दररोज २९.४ लाख लिटर डिझेलची बचत होईल.सोने खरेदीही नको, विदेशात जाणारा देशाचा पैसा वाचवापंतप्रधानांनी विशेषतः सोन्याच्या खरेदीवर भाष्य करताना म्हटले की, मी देशाला आवाहन करतो की, किमान एक वर्ष लग्नासाठी सोने खरेदी करू नका. सोन्याच्या आयातीमुळे आपला मोठा पैसा परदेशात जातो. तो पैसा वाचवून बँकांमध्ये जमा करा, जेणेकरून त्याचा उपयोग देशाच्या विकासासाठी व गरिबांच्या कल्याणासाठी होईल, असे मोदींनी नमूद केले.१५ मेपूर्वी इंधन दरवाढ ? टांगती तलवार कायमसूत्रांनी दिलेल्या माहितीनुसार, कच्च्या तेलाचे दर प्रतिबॅरल ७० डॉलरवरून थेट १२६ डॉलरवर पोहोचल्याने सरकारी तेल कंपन्यांना मोठा तोटा सहन करावा लागत आहे.पेट्रोलवर २४ रुपये आणि सध्या सरकार प्रतिलिटर डिझेलवर ३० रुपयांचे नुकसान सोसत आहे. परिणामी, १५ मेपूर्वी पेट्रोल-डिझेलच्या दरात ४ ते ५ रुपयांची, तर घरगुती गॅस सिलिंडरमध्ये ४० ते ५० रुपयांची वाढ होण्याची शक्यता वर्तवण्यात येत आहे.

सचिनचा पुतळा वानखेडे स्टेडियमध्ये उभारण्यात येत असल्याचं वृत्त सचिन तेंडुलकरसाठीही आश्चर्यकारकच होतं ...

अनेक वर्षांपासून ही जागा विमानतळासाठी आरक्षित ...

कोरोना काळात सोशल मीडियाचा वापर हा जवळपास दुपटीने वाढला... ...

अक्कलकोट व दक्षिण सोलापूर तालुक्यातील शेतकऱ्यांनी केंद्रीय मंत्री नितीन गडकरी यांची भेट घेतली होती. ...

सिल्लोड शहरातून जाणाऱ्या छत्रपती संभाजीनगर- जळगाव रस्त्यावर झाला अपघात ...

Armaan malik: गेल्या काही दिवसांपासून अरमान मलिकला त्याच्या याच नावाचा फटका बसत असल्याचं पाहायला मिळत आहे. ...