Latest Marathi News

भोकरदन (जि. जालना ): तालुक्यात अवैध वाळू वाहतूक करणाऱ्या वाहनांचा धुमाकूळ सुरूच असून, या मुजोरीचा बळी गव्हाण संगमेश्वर येथील कचरू पांडुरंग ढवळे (वय ३०) या शेतमजुराला द्यावा लागला आहे. १४ मे रोजी दुपारी ३ वाजेच्या सुमारास पायी शेतात जात असताना बांध नदीच्या पुलावर वाळूने भरलेल्या हायवाने कचरू यांना पाठीमागून जोरदार धडक देऊन चिरडले.रुग्णवाहिका तहसीलवर अन् तणावअपघातानंतर कचरू यांना तातडीने छत्रपती संभाजीनगर येथील घाटी रुग्णालयात हलवण्यात आले होते, मात्र उपचारादरम्यान त्यांचा मृत्यू झाला. १५ मे रोजी शवविच्छेदन झाल्यानंतर संतापलेल्या नातेवाईकांनी कचरू यांचा मृतदेह असलेली रुग्णवाहिका थेट उपविभागीय अधिकारी (SDO) कार्यालयासमोर आणली. जोपर्यंत गुन्हेगारांवर कठोर कारवाई होत नाही, तोपर्यंत अंत्यसंस्कार न करण्याचा पवित्रा नातेवाईकांनी घेतल्याने काही काळ तणाव निर्माण झाला होता.प्रशासनाचा हस्तक्षेपसहाय्यक जिल्हाधिकारी बी. सरवनन यांनी घटनास्थळी धाव घेत नातेवाईकांशी चर्चा केली. दोषी हायवा चालक आणि मालकावर कठोर कायदेशीर कारवाई केली जाईल, असे आश्वासन दिल्यानंतर कचरू यांच्यावर गव्हाण संगमेश्वर येथे अंत्यसंस्कार करण्यात आले.आरोपींचा गुन्हेगारी इतिहासधक्कादायक बाब म्हणजे, ज्या हायवा मालकावर या प्रकरणात गुन्हा दाखल झाला आहे, त्यानेच यापूर्वी राजूर येथे तहसीलदार आणि उपविभागीय अधिकाऱ्यांवर हल्ला केला होता. एकाच आठवड्यात बाभूळगाव येथेही वाळूच्या हायवाने दोघांना गंभीर जखमी केल्याची घटना घडली असून, परिसरात वाळू माफियांच्या दहशतीमुळे संताप व्यक्त होत आहे.

बुलडाणा जिल्ह्यातील सातही मतदारसंघांमध्ये मतदानाचा उत्साह, टक्केवारी वाढणार. ...

लोणार तालुक्यातील कर्मचा-यांना ऑन लाईन वेतनप्रणालीतील बिघाडाचा फटका. ...

बुलडाणा जिल्ह्यातील सातही विधानसभा मतदारसंघात ग्रामीण भागातील मतदानात वाढ. ...

दोघे संशयित तरुण ताब्यात : जवाहरनगर येथे वळंजू यांच्या बंगल्यासभोवती प्रचंड पोलीस बंदोबस्त ...

बुलडाणा विधानसभा मतदारसंघात पाच वाजेपर्यंत ५२.१९ टक्के मतदान. ...

चिखली विधानसभा मतदारसंघात किरकोळ वाद वगळता, शांततेत मतदान. ...

खामगाव विधानसभा मतदारसंघात सरासरी ७१ टक्के मतदान. ...