कोल्हापूर : कोल्हापुरातील मेरी वेदर मैदानावर खासदार धनंजय महाडिक यांच्या संकल्पनेतून शुक्रवारी माजी आमदार महादेवराव महाडिक यांच्या हस्ते भीमा कृषी व पशू प्रदर्शनाचे उदघाटन करण्यात आले. या प्रदर्शनात पहिल्याच दिवशी पाच फुटांचा इग्वाना सरडा पाहण्यासाठी नागरिकांनी मोठी गर्दी केली होती.
पश्चिम महाराष्ट्रातील भव्य अशा भीमा कृषी व पशू प्रदर्शनाला शुक्रवारपासून सुरुवात झाली. उदघाटन कार्यक्रमाला खासदार धनंजय महाडिक, महापौर रूपाराणी निकम, उपमहापौर अक्षय जरग, अरुंधती महाडिक, भाजपचे जिल्हाध्यक्ष नाथाजी पाटील, महेश जाधव, अंबरिष घाटगे यांच्यासह मान्यवर उपस्थित होते.
खासदार महाडिक म्हणाले, शेतकऱ्यांना नवनवीन तंत्रज्ञान कळावे, त्यांचे उत्पादन वाढावे यासाठी गेल्या १८ वर्षांपासून भीमा कृषी प्रदर्शन भरवत आहे. या माध्यमातून शेती, पशुधन यामधील बारकावे शेतकऱ्यांना समजून घेता येतात. सध्या एआयचे जग आहे. एआयच्या माध्यमातून कृषी मालाची उत्पादन क्षमता वाढवण्यासाठी हे प्रदर्शन उपयुक्त ठरणार आहे.
रूपाराणी निकम म्हणाल्या, शेतीमधील विविध उपक्रमांची पायाभरणी या प्रदर्शनातून केली जाते. कृष्णराज महाडिक यांनी स्वागत केले. यावेळी शेतीमध्ये नवनवीन तंत्रज्ञानाचा वापर करून भरघोस उत्पन्न घेतलेल्या शेतकऱ्यांना पुरस्करांनी गौरवण्यात आले. येत्या १६ फेब्रुवारीपर्यंत हे प्रदर्शन सुरू राहणार आहे.
जिल्हा परिषदेत महायुतीचाच अध्यक्ष
कोल्हापूर जिल्ह्याने नगरपालिका, महानगरपालिकेत महायुतीला सत्तेत बसवले आहे. आता जिल्हा परिषदेतही आमचे बहुमत असून महायुतीचाच अध्यक्ष होणार असा दावा खासदार महाडिक यांनी यावेळी केला. बास्केट ब्रिजसह विकासवाडीतील आंतरराष्ट्रीय क्रिकेट स्टेडियम असे प्रकल्प कोल्हापूरसाठी मंजूर झाले आहेत. हे प्रकल्प कोल्हापूरच्या विकासाला चालना देतील, असेही महाडिक म्हणाले. कोल्हापूर-मिरज रेल्वे दुहेरीकरणासाठीही निधी मंजूर झाला असून यामुळे देशभरातील शहरांशी कनेक्टिव्हिटी वाढणार असल्याचे ते म्हणाले.
जातीवंत जनावरे खास आकर्षण
१,४०० किलोचा मुरा रेडा, ३० लीटर दूध देणारी एच एफ गाय, अमेरिकन शेळ्या, बोकड, खास सांगोला, दहिवडीवरून जातिवंत खिल्लार खोंड व खिल्लार गायी, परभणी, नांदेड, लातूर येथून लालकंधारी व देवणी, एच एफ जर्शी, साहिवाल, गीर इत्यादी जातीची खोंड, गायी या प्रदर्शनाचे खास आकर्षण आहेत.
Web Summary : Kolhapur's Bhima Krishi exhibition, inaugurated by Mahadevrao Mahadik, features agricultural technology and livestock. A 1400kg Murra buffalo and five-foot iguana are major attractions. The event showcases advancements in farming and animal husbandry, aiming to boost agricultural productivity with modern techniques. It runs until February 16th.
Web Summary : महादेवराव महाडिक द्वारा उद्घाटन की गई कोल्हापुर की भीमा कृषि प्रदर्शनी में कृषि प्रौद्योगिकी और पशुधन शामिल हैं। 1400 किलो का मुर्रा भैंसा और पांच फुट का इगुआना प्रमुख आकर्षण हैं। कार्यक्रम का उद्देश्य आधुनिक तकनीकों से कृषि उत्पादकता को बढ़ावा देना है। यह 16 फरवरी तक चलेगा।