Kalyan Dombivli Marathi News | कल्याण डोंबिवली मराठी बातम्या | Latest Kalyan Dombivli News in Marathi | कल्याण डोंबिवली ताज्या बातम्या | Kalyan Dombivli Crime Marathi News | कल्याण डोंबिवली ब्रेकिंग न्यूज़| Breaking & Live Kalyan Dombivli News | Today's Kalyan Dombivli News paper

डोंबिवली: एकीकडे सोनसाखळी चोरीचे गुन्हे घडत असताना दुसरीकडे या गुन्हयातील दोन सराईत चोरटयांना मोठया शिताफीने मानपाडा पोलिसांनी पाठलाग करून पकडले. वारीस मिराज खान (वय २४) रा. आंबिवली आणि मोहम्मद जाफर कुरेशी ( वय ३०) रा. शहाड अशी दोघा आरोपींची नावे आहेत. या दोघांकडून चोरीचे दागिने आणि गुन्हयात वापरलेेली दुचाकी असा ८ लाख ६८ हजार ५०० रूपयांचा मुद्देमाल हस्तगत केला आहे. पोलिसांच्या चौकशीत दोघांकडून कल्याण डोंबिवली शहरातील नऊ गुन्हे उघडकीस आणण्यात पोलिसांना यश आले आहे.एका प्राथमिक शाळेत शिक्षक असलेले रवि गवळी हे २० ऑक्टोबरला सकाळी सात वाजता मानपाडा रोडवरील डी मार्ट समोर मॉर्निंग वॉक करीत असताना दुचाकीवरून आलेल्या दोघा चोरटयांनी गवळी यांच्या गळयातील १८ ग्रॅम वजनाची सोन्याची चेन खेचून त्यांना धक्का देत तेथून पळून गेले. या घटनेत गवळी खाली पडल्याने जखमी झाले होते. त्यांनी दिलेल्या तक्रारीवरून मानपाडा पोलिस ठाण्यात गुन्हा दाखल झाला होता. या गुन्हयाच्या तपासकामी कल्याणचे पोलिस उपायुक्त सचिन गुंजाळ, डोंबिवलीचे सहाय्यक पोलिस आयुक्त सुनिल कुराडे, वरीष्ठ पोलिस निरिक्षक अशोक होनमाने यांच्या मार्गदर्शनाखाली पोलिस निरिक्षक सुरेश मदने, राम चोपडे, दत्तात्रय गुंड, सहाय्यक पोलिस निरिक्षक अविनाश वनवे, सुनिल तारमळे, भानुदास काटकर यांचे पथक नेमले गेले होते. गुप्त बातमीदाराकडून मिळालेल्या माहितीनुसार तसेच तांत्रिक तपासाद्वारे दोघा आरोपींच्या मुसक्या आवळण्यात पथकांना यश आले.साध्या वेशात लावला सापळा, पाठलाग करून पकडलेसोनसाखळी चोरीच्या गुन्हयातील दोघे आरोपी दुचाकीने नवी मुंबई तळोजा मार्गे डोंबिवलीकडे येत असल्याची माहिती गुप्त बातमीदारामार्फत शोध पथकाला मिळाली. त्यानुसार पोलिसांनी मानपाडा, निसर्ग हॉटेल समोरील परिसरात साध्या वेशात तीन ठिकाणी सापळा लावला. तळोजा रोडकडून आरोपींची दुचाकी हॉटेल जवळ येताच पोलिसांनी त्यांना जाळयात अडकून ठेवण्यासाठी रस्त्यावरून जाणा-या अवजड वाहनांचा मार्ग रोखून धरला. आरोपींना संशय आल्याने त्यांनी दुचाकी रस्त्यावर सोडून देत पळुन जाण्याचा प्रयत्न केला. त्यांचा हा प्रयत्न पोलिसांनी हाणून पाडला आणि पाठलाग करून दोघांना पकडले.इराणींची दुसरी फळी?दोघेही आरोपी आंबिवली वसाहतीमधील इराणी आहेत. सोनसाखळी गुन्हयातील इराणी वसाहतीमधीलब-याच जणांवर मोक्का अंतर्गत कारवाई केली गेली आहे. दरम्यान दोघा आरोपींची धरपकड पाहता ही इराणी वसाहतीमधील चोरटयांची दुसरी फळी निर्माण झाली आहे अशी चर्चा आहे.

Kalyan Dombivli (Marathi News)

या घटनेमुळे परिसरात हळहळ व्यक्त होतेय. ...

या संदर्भात युनियनच्या पदाधिकाऱ्यांनी आज महापालिका आयुक्त डा. भाऊसाहेब दांगडे यांची भेट घेतली. ...

टिळकनगर पोलीस ठाण्याच्या हद्दीत राहणाऱ्या एका अल्पवयीन मुलीची फेब्रुवारी २०१९ मध्ये मोहितसोबत ओळख झाली. ...

पूर्वेकडील ग्रामीण भागात पीडित मुलगी आई व सावत्र वडिलांसोबत राहते. ...

कल्याणच्या अत्रे रंगमंदिरात रिपाई आठवले गटाचा आज जिल्हा कार्यकर्ता मेळावा आयोजित करण्यात आला होता. ...

सेक्रेट हार्ट हायस्कूलचे प्रमुख अलबीन अ’न्थोनी यांचा इशारा ...

ठाकरे गटाच्या शिष्टमंडळाने परिवहन व्यवस्थापक दीपक सावंत यांची भेट घेतली. ...

उल्हासनगरात बांधण्यात येत असलेले शेकडो कोटीच्या निधींतील रस्ते निकृष्ट बांधल्याचे उघड झाले. ...

पलावा येथील सदनिकाधारकांच्या मालमत्ता करात ६६ टक्के सूट देण्याचा ऐतिहासिक निर्णय घेण्यात आला आहे. ...

पोलिसांच्या चौकशीत दोघांकडून कल्याण डोंबिवली शहरातील नऊ गुन्हे उघडकीस आणण्यात पोलिसांना यश आले आहे. ...