जळगाव - शिवाजीनगरकडून दुध फेडरेशनकडे जाणा-या मुख्य रस्त्यावरील काही पथदिवे गेल्या काही दिवसांपासून बंद आहे. त्यामुळे रात्री या रस्त्यावर कोळोख पसरत आहे. दुसरीकडे या परिसरातील गटारींची साफसफाई झाली नसल्याची तक्रार रहिवाश्यांकडून करण्यात येत आहे. त्यामुळे तात्काळ बंद पथदिवे सुरू करण्यात यावे व साफसफाई करण्यात यावी, अशी मागणी परिसरातील नागरिकांकडून करण्यात येत आहे.
०००००००००००००००००००००००००
पथदिवे बसविण्याची मागणी
लोकमत न्यूज नेटवर्क
जळगाव - गुजराल पेट्रोल पंप परिसरातील मोरेश्वर कॉलनी येथील काही भागात पथदिवे नसल्यामुळे रात्री प्रचंड काळोख पसरतो. परिणामी, अंधारातून वाहन जात असताना अचाकन मोकाट कुत्रे वाहनधारकावर हल्ला चढवितात. त्यामुळे या भागात पथदिवे सुरू करण्यात यावे, अशी मागणी रहिवाश्यांनी केली आहे. दरम्यान, गेल्या अनेक वर्षांपासून या भागात मातीचे रस्ते असून डांबरीकरण करण्यात यावे, अशीही मागणी रहिवाश्यांनी केली आहे.
०००००००००००००००००००००
सु.ग.देवकर विद्यालयात वर्धापनदिन साजरा
लोकमत न्यूज नेटवर्क
जळगाव - शिक्षण प्रसारक मंडळ संचलित सु.ग.देवकर प्रायमरी स्कूल येथे ७१ वा वर्धापन दिन साजरा करण्यात आला. याप्रसंगी शाळेच्या मुख्याध्यापिका साधना महाजन यांच्याहस्ते सरस्वती पूजन करण्यात आले. याप्रसंगी शिक्षक व कर्मचारी उपस्थित होते.