US Israel Iran War : मागील काही महिन्यांपासून इराण आणि अमेरिकेमध्ये तणाव युद्ध सुरू आहे. या युद्धामुळे स्ट्रेट ऑफ होर्मुझ बंद आहे. हे युद्ध थांबवण्यासाठी अनेक देशांन प्रयत्न सुरू केले आहेत. पण, या दोन्ही देशात कायमस्वरूपी युद्धविराम झाला तरी, लगेचच परिस्थिती सामान्य होईल असे नाही. स्ट्रेट ऑफ होर्मुझ पुन्हा काही महिने बंदच राहू शकतो. याबाबत अमेरिकेच्या लष्कराने मोठा खुलासा केला आहे, होर्मुझमध्ये पेरलेले भूसुरुंग हटवण्यासाठी अंदाजे सहा महिने लागू शकतात, असे पेंटागॉनने उघड केले आहे. यामुळे जागतिक ऊर्जा पुरवठा आणि किमतींवर लक्षणीय परिणाम होण्याची शक्यता आहे.
इराणची कोंडी! अमेरिकेने समुद्रात उतरवला अवाढव्य ताफा; ३१ जहाजे ताब्यात घेतल्याने तणाव वाढला
होर्मुझच्या सामुद्रधुनीतून होणारी सामान्य वाहतूक लगेचच पूर्ववत होणार नाही. इराणी सैन्याने पेरलेले भूसुरुंग हटवण्यासाठी अंदाजे सहा महिने लागू शकतात, असे पेंटागॉनने अमेरिकी खासदारांना कळवले आहे. २८ फेब्रुवारी रोजी युद्ध सुरू झाल्यापासून या महत्त्वाच्या सागरी मार्गावरील वाहतूक प्रभावित झाली आहे.
एका गोपनीय बैठकीत खुलासा
अमेरिकन वृत्तपत्र 'द वॉशिंग्टन पोस्ट'नुसार, पेंटागॉनने खासदारांसाठी आयोजित केलेल्या एका गोपनीय बैठकीत हे मूल्यांकन सादर केले. बोगदे हटवण्यासाठी बराच वेळ लागेल, त्यामुळे नजीकच्या भविष्यात ऊर्जेच्या किमती कमी होण्याची शक्यता कमी आहे. अमेरिकेतील मध्यावधी निवडणुका संपेपर्यंत पेट्रोल आणि तेलाच्या किमती वाढलेल्या राहू शकतात.
'इराणी सैन्याने होर्मुझच्या सामुद्रधुनीमध्ये मोठ्या संख्येने भूसुरुंग पेरले आहेत. हे सुरुंग काढण्यासाठी अंदाजे सहा महिने लागतील. अमेरिका आणि इराण यांच्यातील संघर्ष पूर्णपणे संपेपर्यंत सुरुंग काढण्याची मोहीम सुरू करणे अशक्य आहे. या युद्धाचा आर्थिक परिणाम या वर्षाच्या अखेरपर्यंत किंवा त्यानंतरही सुरू राहू शकतो, असे पेंटागॉनने काँग्रेसला कळवले आहे.
पेंटागॉनने मंगळवारी हाऊस आर्म्ड सर्व्हिसेस कमिटीच्या सदस्यांना माहिती दिली. होर्मुझच्या सामुद्रधुनीतील भूसुरुंग आणि त्यांच्या परिणामांबद्दल अमेरिकी अधिकाऱ्यांनी इतकी सविस्तर माहिती देण्याची ही पहिलीच वेळ आहे. या खुलासानंतर, अमेरिकी खासदारांनी, इंधनाच्या किमतींवर होणाऱ्या परिणामाबद्दल चिंता आणि नाराजी व्यक्त केली आहे.
Web Summary : US military warns Hormuz Strait could remain blocked for six months due to Iranian mines, even after ceasefire. This threatens global energy supplies, potentially raising prices until US elections, fueling inflation concerns.
Web Summary : अमेरिकी सेना ने चेतावनी दी है कि ईरानी खानों के कारण युद्धविराम के बाद भी होर्मुज जलडमरूमध्य छह महीने तक अवरुद्ध रह सकता है। इससे वैश्विक ऊर्जा आपूर्ति बाधित होने और अमेरिकी चुनावों तक कीमतें बढ़ने का खतरा है, जिससे महंगाई की चिंता बढ़ रही है।