ओमानच्या सललाह बंदरावर इराणने हल्ला केला, लाखो लिटर तेलाचा आगडोंब उसळला, एकच हाहाकार  

Iran attacked Oman's Salalah port: इराणविरोधात अमेरिका आणि इस्राइलने सुरू केलेल्या युद्धाला आता दोन आठवडे उलटत आले आहेत. दरम्यान, इराणकडून जोरदार प्रतिहल्लेही होत असून, त्या मालिकेत आज इराणने ओमानमधील सललाह बंदरावर हल्ला केला.

इराणविरोधात अमेरिका आणि इस्राइलने सुरू केलेल्या युद्धाला आता दोन आठवडे उलटत आले आहेत. दरम्यान, इराणकडून जोरदार प्रतिहल्लेही होत असून, त्या मालिकेत आज इराणने ओमानमधील सललाह बंदरावर हल्ला केला. सललाह बंदरावर इराणी ड्रोन्सन्ही हाहाकार माजवला असून, या हल्ल्यात किमान तीन तेल साठवण करणाऱ्या टाक्यांमध्ये आग लागली आहे. या आगीमुळे तिथे साठवून ठेवलेल्या लाखो लीटर तेलामधून आगडोंब उसळत आहे. तसेच आकाशात काळ्या धुराचे ढग लोटत आहेत. या हल्ल्यानंतर खबरदारीचा उपाय म्हणून सललाह बंदराला रिकामं करण्यात आलं आहे.

ओमानमधील दक्षिण पूर्व भागात असलेलं सलालाह हे एक मोठं कंटेरन ट्रान्सशिपेंट हब आहे. गतवर्षी आधुनिकीकरण आणि यार्ड वाढवल्यानंतर याची ट्रान्सशिपमेंट फॅसिलिटी वाढवण्यात आली आहे. मात्र या हल्ल्यामुळे येथे खूप नुकसान झाल्याची शक्यता आहे.

ओमानच्या सललाह पोर्टवर आज झालेल्या हल्ल्यामुळे तणावपूर्ण परिस्थिती निर्माण झाली आहे. या हल्ल्याकडे अमेरिका आणि इस्राइलकडून इराणवर झालेल्या हल्ल्यांना दिलेलं प्रत्युत्तर म्हणून पाहिलं जात आहे. तसेच इराण आखाती भागातील ऊर्जा आणि पायाभूत भागातील सुविधांना लक्ष्य करत आहे.