इंडोनेशियाची राजधानी जकार्ताजवळ बेकाशी तिमुर रेल्वे स्थानकात सोमवारी भयंकर घटना घडली. रेल्वे स्थानकावर उभा असलेल्या एका ट्रेनला एक्सप्रेसने भीषण धडक दिली. या धडकेत चार जणांचा मृत्यू झाला आहे. तर, अनेकजण जखमी झाल्याची माहिती आहे. जखमींना जवळच्या रुग्णालयात दाखल करण्यात आले असून या अपघातानंतर रेल्वे स्थानकावर एकच खळबळ माजली.
एका रेल्वे अधिकाऱ्याने दिलेल्या माहितीनुसार, आर्गो ब्रोमो आंगग्रेक नावाच्या एक्स्प्रेसने रेल्वे स्थानकावर थांबलेल्या एका प्रवासी ट्रेनला जोरदार धडक दिली. या धडकेत चार जणांचा मृत्यू झाला आहे. तर, जवळपास ३८ जण जखमी झाल्याची माहिती आहे. जखमींना जवळच्या रग्णालयात दाखल करण्यात आले असून त्यांच्यावर उपचार सुरू आहेत. जखमींमधील अनेकांची प्रकृती चिंताजनक असल्याने मृतांच्या आकड्यात वाढ होण्याची भिती व्यक्त केली जात आहे.
इंडोनेशियातील या अपघातामागे जुनाट पायाभूत सुविधा आणि देखभालीचा अभाव असल्याचे समोर येत आहे. गेल्या काही वर्षांतील अपघातांची मालिका पाहता, इंडोनेशियाची सार्वजनिक वाहतूक व्यवस्था प्रवाशांसाठी धोकादायक ठरत आहे. जानेवारी २०२४ मधील सिकालेन्का अपघाताच्या आठवणी ताज्या असतानाच आता जकार्ताजवळ झालेल्या या भीषण धडकेने सुरक्षेबाबत गंभीर प्रश्न उपस्थित केले आहेत. या अपघातात चार कर्मचाऱ्यांना आपला जीव गमवावा लागला होता. तर, २०१५ मध्ये, जकार्ता येथे एका प्रवासी रेल्वेची मिनीबसशी धडक झाली होती, ज्यामध्ये १६ लोकांचा मृत्यू झाला होता.
Web Summary : A horrific train collision near Jakarta, Indonesia, killed four and injured dozens. An express train struck a stationary passenger train at Bekasi Timur station. Investigations are underway into the cause of the crash, raising concerns about rail safety.
Web Summary : इंडोनेशिया के जकार्ता के पास एक भीषण ट्रेन दुर्घटना में चार लोगों की मौत हो गई और कई घायल हो गए। बेकासी तिमूर स्टेशन पर एक एक्सप्रेस ट्रेन ने खड़ी यात्री ट्रेन को टक्कर मार दी। दुर्घटना के कारणों की जांच जारी है, जिससे रेल सुरक्षा को लेकर चिंता बढ़ गई है।