होर्मुझच्या सामुद्रधुनीतील इराणची समुद्री नाकेबंदी मोडीत काढण्यासाठी अमेरिकन नौदलाने 'यूएसएस चीफ' आणि 'यूएसएस पायोनियर' या युद्धनौका तैनात केल्या आहेत. या मोहिमेदरम्यान फुकेत (थाईलंड) येथे थांबलेल्या एका युद्धनौकेवरील इलेक्ट्रॉनिक्स तंत्रज्ञावर एका माकडाने हल्ला करून त्याला ओरखडले.
वरकरणी ही जखम किरकोळ वाटत असली, तरी माकडांच्या हल्ल्यामुळे पसरणारा 'हर्पीस बी' हा व्हायरस अत्यंत घातक मानला जातो. मकाक माकडे या व्हायरसचे वाहक असतात. मानवामध्ये या संसर्गाचा मृत्यूदर ७० टक्क्यांहून अधिक असू शकतो. या धोक्यामुळे जखमी सैनिकाला तातडीने जपानमधील सासेबो येथील नौसैनिक तळावर विशेष उपचारांसाठी पाठवण्यात आले आहे. या घटनेमुळे त्या सैनिकाला मोहिमेतून माघार घ्यावी लागली आहे.
इराणचे सुरुंग आणि ट्रम्प यांचा 'शूट' करण्याचा आदेश:ही घटना अशा वेळी घडली आहे जेव्हा होर्मुझमध्ये तणाव टोकाला पोहोचला आहे. राष्ट्राध्यक्ष डोनाल्ड ट्रम्प यांनी अमेरिकन नौदलाला स्पष्ट आदेश दिले आहेत की, होर्मुझमध्ये सुरुंग पेरताना दिसणारी इराणची कोणतीही बोट तात्काळ उद्ध्वस्त करा.
इराणच्या या नाकेबंदीमुळे जगातील २० टक्के तेल आणि वायू पुरवठा बाधित झाला असून, पर्शियन गल्फमध्ये शेकडो व्यापारी जहाजे अडकून पडली आहेत.
मोहिमेची सद्यस्थितीएका सैनिकाला माघार घ्यावी लागली असली, तरी अमेरिकेचे 'माइन-क्लियरिंग' मिशन थांबलेले नाही. 'यूएसएस चीफ' आणि 'यूएसएस पायोनियर' या युद्धनौका होर्मुझच्या दिशेने रवाना झाल्या असून, समुद्रात पेरलेले सुरुंग हटवण्याचे काम करण्याची शक्यता आहे.
Web Summary : A monkey attacked a US Navy technician in Thailand, raising Herpes B virus concerns. The sailor was evacuated from the Hormuz mission for treatment. Despite this, the US Navy continues its mine-clearing operation in the tense Hormuz Strait, following Trump's order to destroy Iranian boats planting mines.
Web Summary : थाईलैंड में एक बंदर ने अमेरिकी नौसेना के तकनीशियन पर हमला किया, जिससे हर्पीस बी वायरस का खतरा बढ़ गया। सैनिक को इलाज के लिए होर्मुज मिशन से निकाला गया। इसके बावजूद, अमेरिकी नौसेना होर्मुज जलडमरूमध्य में माइन-क्लियरिंग ऑपरेशन जारी रखे हुए है, ट्रम्प के ईरानी नावों को नष्ट करने के आदेश के बाद तनाव बढ़ गया है।