Coronavirus: Symptoms that are different from the symptoms that appear regularly | Coronavirus: समजून घ्या ‘कोरोना’: नियमित आढळणाऱ्या लक्षणांपेक्षा वेगळी लक्षणे

Coronavirus: समजून घ्या ‘कोरोना’: नियमित आढळणाऱ्या लक्षणांपेक्षा वेगळी लक्षणे

अमोल अन्नदाते

आपल्याला सर्दी, खोकला, ताप, श्वास घेण्यास त्रास, वास व चवीची क्षमता कमी होणे, जुलाब, उलट्या व श्वास घेण्यास त्रास होणे ही लक्षणे माहीत आहेतच; पण अशी काही वेगळी लक्षणे आहेत, जी कोरोनामध्ये दिसून येत आहेत.

यात सर्वात आश्चर्य आहे तापाशिवाय कोरोना. काही डॉक्टर ज्यांना कोरोना संसर्ग झाला त्यांना ताप आलाच नाही व इतर लक्षणे दिसून आली.

  • फक्त तीव्र स्वरूपाची डोकेदुखी.
  • तीव्र पाठदुखी व शरीरातील स्नायू दुखणे, त्यातच पायाचे खालच्या बाजूचे म्हणजे काफ मसल्स दुखणे.
  • फक्त थकवा येणे.
  • डोळे येणे.
  • सर्दी खोकला झालेला माणूस दर वेळी सर्दी खोकला झाल्यावर असतो तसा न राहता खूप जास्त थकल्यासारखा वाटणे व सुस्त वाटणे.
  • ज्येष्ठ व्यक्तींमध्ये झोप जास्त येणे किंवा सकाळी लवकर झोपेतून न उठणे. दिवसाही झोपल्यावर खूप वेळा उठवावे लागणे.
  • सांधेदुखी.
  • दोन दिवसांत तब्येत झपाट्याने बिघडणे व लघवी कमी होणे.
  • थकवा येऊन चेहरा निस्तेज वाटणे.

 

ही सर्व लक्षणे सुरुवात असून बऱ्याचदा ताप, खोकला, सर्दी ही यानंतर सुरू होते. म्हणून अशा कुठलीही वेगळी लक्षणे असल्यास लगेच घाबरून जाऊ नये; पण स्वत:ला इतरांपासून वेगळे ठेवावे व आयसोलेशन करावे. तपासणी अहवाल कदाचित निगेटिव्ह येईल, पण तोपर्यंत स्वत:वर लक्ष ठेवावे व विलगीकरणात राहावे.

(लेखक बालरोगतज्ज्ञ असून, वैद्यकीय साक्षरतेसाठी कार्यरत आहेत.)

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Coronavirus: Symptoms that are different from the symptoms that appear regularly

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.