ग्रामीण पोलीस, लिप फास्टनर विजयी

औरंगाबाद जिल्हा क्रिकेट संघटनेच्या मैदानावर सुरू असलेल्या व्हेरॉक औद्योगिक टी-२० क्रिकेट स्पर्धेत ग्रामीण पोलीस संघाने आयआयए औरंगाबाद संघावर ८ गडी राखून मात केली. दुसºया सामन्यात लिप फास्टनर संघाने कॉस्मो फिल्म संघावर विजय मिळवला.

औरंगाबाद : औरंगाबाद जिल्हा क्रिकेट संघटनेच्या मैदानावर सुरू असलेल्या व्हेरॉक औद्योगिक टी-२० क्रिकेट स्पर्धेत ग्रामीण पोलीस संघाने आयआयए औरंगाबाद संघावर ८ गडी राखून मात केली. दुसºया सामन्यात लिप फास्टनर संघाने कॉस्मो फिल्म संघावर विजय मिळवला.
सकाळच्या सत्रात आयआयए संघाने प्रथम फलंदाजी करताना २० षटकांत सर्वबाद ११९ धावा केल्या. त्यांच्याकडून शुभम हरकळ याने ३४ चेंडूंत ८ चौकार, २ षटकारांसह ५५ धवा केल्या. युसूफ शेखने १८ धावांचे योगदान दिले. ग्रामीण पोलीसकडून विकास नगरकर व अझर शेख यांनी प्रत्येकी ३ गडी बाद केले. प्रत्युत्तरात ग्रामीण पोलीसने विजयी लक्ष्य १२.५ षटकांत २ गडी गमावून पूर्ण केले. त्यांच्याकडून अजय काळेने ३८ चेंडूंत ३ षटकार व ८ चौकारांसह नाबाद ६९ धावा केल्या. वसीम खानने नाबाद १८ व विकास नगरकरने १९ धावा केल्या. आयआयए औरंगाबादकडून सुनील भालेने २ गडी बाद केले.
दुसºया सामन्यात लिप फास्टनरने कॉस्मो फिल्मविरुद्ध ५ बाद १५२ धावा ठोकल्या. त्यांच्याकडून प्रणव राजळे याने ३० चेंडूंतच ५ चौकारांसह ३६ व इंद्रजित उढाणने ४ चौकारांसह ३६ धावा केल्या. राहुल पाटीलने २९ व रवी लेंडाळेने २८ धावांचे योगदान दिले. कॉस्मो फिल्मकडून महेंद्र ढगे याने २, सतीश जामखेडकरने १ गडी बाद केला. प्रत्युत्तरात कॉस्मो फिल्मचा संघ १६.४ षटकांत १२९ धावांत गारद झाला. त्यांच्याकडून प्रीतेश चार्ल्सने ३८ चेंडूंत ४ षटकार व ९ चौकारांसह ७२ धावा केल्या. लिप फास्टनरकडून राहुल पाटीलने २७ धावांत ४ व प्रणव राजळे याने २७ धावांत ४ गडी बाद केले.