ST Minister Pratap Sarnaik News: राज्यातील बसस्थानकांवरील संपर्क यंत्रणा अधिक सक्षम आणि प्रभावी करणे आवश्यक आहे. प्रत्येक बसस्थानकावर प्रवासी सुविधांसाठी संपर्क क्रमांक उपलब्ध करून देण्यात येणार आहे. परिवहन विभागाने नावे बदललेल्या गावांबाबत आणि व्याकरणदृष्ट्या अचूक मराठी भाषेचा वापर करण्याबाबत परिपत्रक जारी करावे व त्याची काटेकोर अंमलबजावणी सुनिश्चित करावी, असे निर्देश परिवहन मंत्री प्रताप सरनाईक यांनी दिले. तसेच १ जूनपासून एसटीची सर्व स्वच्छतागृहे मोफत करणार असल्याचेही सांगितले.
राज्यातील एसटी बस आणि बसस्थानकांच्या अस्वच्छतेबाबत प्रवाशांकडून वारंवार तक्रारी प्राप्त होत आहेत. याबाबत मंत्री प्रताप सरनाईक म्हणाले की, बसस्थानकांचा कायापालट करण्यासाठी आणि कायमस्वरूपी स्वच्छता राखण्यासाठी ठोस पावले उचलण्यात येत आहेत. १ जूनपासून महामंडळाच्या सर्व बसस्थानकांवरील स्वच्छतागृहे मोफत करण्यात येणार असून, प्रवाशांना उत्तम दर्जाच्या सुविधा उपलब्ध करून देणे ही प्रशासनाची जबाबदारी असल्याचे त्यांनी अधोरेखित केले.
विशेष समिती गठित करण्याचे महत्त्वपूर्ण निर्देश
राज्यातील खासगी प्रवासी बस वाहतूकदारांकडून केली जाणारी बेकायदेशीर दरवाढ आणि अनधिकृत मोबाईल ॲपद्वारे प्रवाशांची होणारी आर्थिक पिळवणूक याबाबत शासन गंभीर आहे. या संदर्भातील तक्रारींचे निराकरण करण्यासाठी तसेच दीर्घकालीन उपाययोजना सुचविण्यासाठी सह परिवहन आयुक्त आणि सुराज्य अभियानातील तीन प्रतिनिधींचा समावेश असलेली विशेष समिती गठित करण्याचे महत्त्वपूर्ण निर्देश प्रताप सरनाईक यांनी मंत्रालयात आयोजित बैठकीत दिले.
दरम्यान, सण-उत्सव किंवा सुट्ट्यांच्या काळात प्रवाशांकडून अव्वाच्या सव्वा तिकीट दर आकारले जातात. प्रवाशांची आर्थिक लूट करणाऱ्या अशा प्रवासी बस वाहतूकदारांवर कठोर कारवाई झाली पाहिजे. कोणत्याही परिस्थितीत प्रवाशांची लूट खपवून घेतली जाणार नाही, असा इशाराही त्यांनी दिला.
Web Summary : Maharashtra ST will offer free restroom access at bus stations from June 1st, announced Minister Pratap Sarnaik. A committee addresses private bus fare hikes and passenger exploitation. Focus on bus station cleanliness and improved facilities for travelers.
Web Summary : महाराष्ट्र एसटी 1 जून से बस स्टेशनों पर मुफ्त शौचालय सुविधा देगी, मंत्री प्रताप सरनाईक ने घोषणा की। निजी बस किराया वृद्धि और यात्री शोषण के लिए एक समिति गठित। बस स्टेशन की स्वच्छता और यात्रियों के लिए बेहतर सुविधाएं पर ध्यान केंद्रित।