जम्मू-श्रीनगर राष्ट्रीय महामार्गावर कार चालवताना एका चालकाला हृदयविकाराचा तीव्र झटका आला. मात्र, तिथे तैनात असलेल्या सीआरपीएफ जवानांनी तातडीने मदत केल्यामुळे या व्यक्तीला मृत्यूच्या दाढेतून बाहेर काढण्यात यश आले आहे. माणुसकीचे दर्शन घडवणाऱ्या जवानांचा व्हिडीओ सोशल मीडियावर व्हायरल झाला असून त्यांच्यावर कौतुकाचा वर्षाव केला जात आहे.
मिळालेल्या माहितीनुसार, जम्मू-श्रीनगर राष्ट्रीय महामार्गावरील बिजबेहारा परिसरातून एक कार जात असताना, अचानक चालकाला अस्वस्थ वाटू लागले आणि त्याने कार थांबवली. काही वेळातच त्याला हृदयविकाराचा झटका आला. त्यावेळी महामार्गाच्या सुरक्षेसाठी तैनात असलेल्या सीआरपीएफच्या ९० व्या बटालियनच्या रूट ओपनिंग पार्टीमधील जवानांच्या ही बाब लक्षात आली. त्यांनी वेळ न घालवता चालकाला प्राथमिक उपचार देण्यास सुरुवात केली. जवानांनी त्याला वेळीच सीपीआर दिल्याने त्याच्या प्रकृतीत सुधारणा झाली आणि त्याला तातडीने रुग्णालयात हलवण्यात आले. सध्या चालकाची प्रकृती स्थिर आहे.
जवानांनी दाखवलेल्या या प्रसंगावधानामुळे एका निष्पाप व्यक्तीचे प्राण वाचले आहेत. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत असून, नेटकऱ्यांनी वर्दीतील देवदूत अशा शब्दांत जवानांचे कौतुक केले आहे. केवळ शत्रूशी लढणेच नाही, तर सामान्य नागरिकांच्या संकटात धावून जाणे हेच भारतीय सैन्याचे खरे वैशिष्ट्य असल्याचे पुन्हा एकदा सिद्ध झाले आहे.
Web Summary : CRPF personnel saved a driver suffering a heart attack on the Jammu-Srinagar highway by administering timely CPR. The driver is now stable, and the soldiers are being hailed as heroes for their quick response and humanity.
Web Summary : जम्मू-श्रीनगर राजमार्ग पर सीआरपीएफ जवानों ने दिल का दौरा पड़ने से पीड़ित ड्राइवर को सीपीआर देकर बचाया। ड्राइवर अब स्थिर है, और सैनिकों की त्वरित प्रतिक्रिया और मानवता के लिए सराहना की जा रही है।