अधिकाऱ्यांच्या बदल्या

उस्मानाबाद : येथील उपविभागीय अधिकारी प्रशांत सूर्यवंशी, उपजिल्हाधिकारी शिल्पा करमरकर, वाशी तहसीलदार आर. व्ही. गोरे, यांची जिल्ह्याबाहेर बदली झाली आहे. परभणीच्या शोभा राऊत यांना उपविभागीय अधिकारी पदावर पदस्थापना करण्यात आली आहे.
औरंगाबाद येथील विभागीय आयुक्तांनी या बदल्या केल्या आहेत. उपविभागीय अधिकारी प्रशांत सुर्यवंशी यांची जि.परभणी येथील सेलू उपविभागीय अधिकारी पदी बदली झाली. औरंगाबाद येथील औद्योगिक विकास महामंडळाचे प्रादेशिक अधिकारी अण्णासाहेब शिंदे यांची उस्मानाबाद येथील उपजिल्हा निवडणुक अधिकारी पदावर बदली झाली आहे.
लातूरचे जिल्हा पुरवठा अधिकारी डॉ. अनंत गव्हाणे हे उस्मानाबाद येथे उपजिल्हाधिकारी सामान्य प्रशासन पदावर रुजू होणार आहेत. तसेच उपजिल्हाधिकारी शिल्पा करमरकर यांची नांदेड येथे रोजगार हमी योजनेच्या उपजिल्हाधिकारी पदावर बदली झाली आहे. (प्रतिनिधी)